肺積塵（Pneumoconiosis），又叫肺塵埃沉着病、矽肺病，黑肺症（Black Lung），係種職業病，因為個肺長期吸入好多塵而令佢纖維化，主要係人體吸入結晶矽（主要成分係：土、沙、花岡岩、或者其他岩石成分）嘅粉塵所造成。礦工、地盤工人同裝修工人中招機會比較大，帶適合嘅口罩可以幫手預防呢個職業病。
肺積塵主要症狀有呼吸短促、發燒、易攰、冇胃口、心口痛、乾咳、呼吸衰退，可引致死亡。
肺積塵亦容易引發其他病變，包括肺癌、支氣管炎、慢性阻塞性肺部病變、肺癆、硬皮病、甚至係腎臟病變。
肺積塵
