背泳

出自維基百科,自由嘅百科全書
跳去: 定向搵嘢
背泳

背泳游水方式,亦係游水比賽項目之一,要背脊貼住水面望向天噉游,動作特點就好似反轉嘅捷泳

背泳重點[編輯]

雙手以前後交叉由頭前至大腿進行劃水前進,雙腿上下交替踢水推進。游水過程中唔可以翻轉身體﹙除咗轉身﹚,雙手一定要前後交叉動作,唔可以踢蛙式腳。

比賽規則[編輯]

背泳比賽開始前,參賽者要面向出發台,並用雙手揸住扶手。起跳訊號發出之後,參賽者要以背脊向下嘅型式完成整個賽程。賽例規定,任何參賽者喺頭、膊頭、手或手臂掂到池邊以作終點掂池或轉身掂池前,一定要保持背泳嘅正確位置,當中包括身體可以作出轉動,但係唔可以大過90度(除咗頭部嘅位置),否則會被取消資格。轉身掂池之後,泳手可以作出任何轉身動作,但係腳離開池邊前,身體要恢復背泳嘅正確位置,唔係嘅話就屬於犯規。