胡本仁

胡本仁，香港親中派商人，香港長源資源股份有限公司創始人。

早年經歷

佢喺鎮江出世，阿爸早年創立咗『長源行』，但因為中國共產黨嘅『公私合營』，屋企資產被充公而家道中落。1971年，佢獲調去江西一間鋼鐵廠工作，之後又去咗鋼鐵廠冶金機械大學同江西工學院深造，之後佢喺鋼鐵廠獲晉升，去到80年代佢去咗深圳擔任江州五金中方嘅總經理職位，去到1993年獲香港寶來集團挖角去香港發展，去到1997年自立門戶，成立自己嘅資源公司。

佢嘅業務之後一直發展，踏入2010年代，佢開始涉獵同埋收購好多澳洲嘅資產。

部分職銜

• 亞洲知識管理學院資深院士／常務副院長（有爭議）

政治立場

佢係親中派嘅成員，曾經公開話話要做民族復興嘅追夢者同埋一帶一路嘅排頭兵。

爭議

高價昆士蘭租島爭議

2013年，胡本仁以568萬澳幣購入昆士蘭Double Island度假村同土地租約，計劃開發成休閒養老村，但佢買咗個島之後，一直未見有任何工程，荒廢咗成塊地。昆士蘭州政府去到2023年4月向胡本仁發最後通牒，要求將度假村回復原狀，重新向公眾開放。

野雞大學資深院士頭銜爭議

佢報稱攞到嘅亞洲知識管理學院資深院士同常務副院長頭銜，但有線新聞喺2019年報道，亞洲知識管理學院其實係一間野雞大學，未獲當局認可，比錢就有得攞佢哋唔同嘅頭銜。