𢆡罩

出自維基百科,自由嘅百科全書
(由胸罩跳轉過來)
Jump to navigation Jump to search
一件70E罩杯噶蕾絲𢆡罩
黑色𢆡罩

𢆡罩nin1 zaau3又叫胸圍波罩乳罩奶罩文胸,有時都會泛稱為「內衣」,或者講「內在美」,係女性所着嘅內衣之一,用來遮住同托起對𢆡。𢆡罩最初源自法國(法文:Brassière),但係依家英文通常簡寫叫做「Bra」。以前歐洲貴族女性鍾意著一種非常之緊身噶束衣。但係後來由於呢種束衣麻煩過頭,就換成由兩條手帕改成嘅胸衣,成為唨依家𢆡罩個雛型。

結構[編輯]

通常一件𢆡罩有邇幾部份組成:

  • 杯罩:一般係碗形,左右各有一個,通常啲罩下底都會有定型嘅綱圈(無鋼圈波罩嘅杯罩下部冇定型鋼圈,適合畀發緊育嘅女仔同埋志在舒適性嘅女性著),可以將𢆡下底托起,用來支撑左右兩邊嘅𢆡。杯罩係𢆡罩最重要嘅部分,可以按照覆蓋面積分成全罩、四分之三罩同半罩三種。
  • 背帶:以環繞一周嘅形式圍住成個胸部同埋背部,連結兩個杯罩嚟固定杯罩。
  • 肩帶:由罩杯嘅上端伸長,繞過膊頭到背脊,駁埋條背带。用嗰陣可以透過肩帶上嘅調節器調整鬆緊長短,令杯罩部分貼埋胸部。有啲款式嘅肩帶可以拆得落來替換成透明肩帶或者蕾絲繞頸肩帶之類嘅裝飾性肩帶衫,半罩款式愈發可以將肩帶拆落來成為無肩帶𢆡罩,而對杯罩唔會甩。
  • 排扣:通常喺背部,都有前扣同埋側面扣嘅款,方便穿着。背帶喺背脊嘅部分透過排扣衲埋,一般款式通常係雙排扣或者三排扣,而調整式𢆡罩就可能有三到五排扣不等。

睇埋[編輯]