𢆡
跳去導覽
跳去搵嘢
𢆡[1][2]（nin1，讀年陰平），又或者寫做姩[3]，係哺乳類動物嘅乸用來餵奶畀蘇蝦嘅器官，亦即係醫學講嘅乳房。𢆡響𢆡頭下面有乳腺，會響生咗蘇蝦之後，整奶畀蘇蝦飲。雖然公都有𢆡，結構都一樣，但係未發育，所以呢度集中講乸嘅𢆡。
別名[編輯]
中國北方叫𢆡做奶，文言上就叫乳。因為呢個器官用來整奶汁乳水，所以同器官同奶個名係相通。台灣亦都流行叫𢆡做咪咪，國語發音似「秘密」。
香港流行叫𢆡做波，波卽係球，來自英文Ball，女人𢆡大似波，因以爲名。個名亦傳到外地，中國大陸，臺灣，有時都噉叫。由波亦生出唔同字，形容𢆡，好似大波、微波、無波、八字波等。八字就唐字八字形，向兩𢆡外生也。
𢆡亦有唔同形容法，好似大𢆡、細𢆡、墮𢆡咁。
因爲「𢆡」字唔係人人識寫，亦有用「蓮」字或者拼音「lin」代替。舊時色情架步，有妓女化爲大波蓮來引男人。
生理[編輯]
唔同動物嘅𢆡都唔同，形態各異。有啲動物多𢆡，而人就有兩𢆡。
人[編輯]
人𢆡介乎肋骨二至六條之間。𢆡有彈性。女人後生成半球，生育會令𢆡脹，停哺後會縮細。老時會鬆墮，稱為墮𢆡。
女人𢆡除咗餵奶之用，亦係性徵，生得明顯，可以吸引男人。男女交合，亦會摸𢆡，以求快感。
第啲意思[編輯]
家陣香港唔少後生仔都以為「𢆡」呢個字係解做𢆡頭，鬧出唔少笑話。