脫離同性戀

出自維基百科,自由嘅百科全書

脫離同性戀又叫做去同性戀ex-gay)、出埃及運動exodus movement)、性傾向治療conversion therapy)、性傾向修復reparative therapy) ,係指通過勸導、祈禱或者其他方式改變同性戀者性傾向嘅運動、組織或者療法。

出埃及運動團體通常會自稱同性戀輔導組織,因為佢哋相信同性戀者通過佢哋嘅輔導、勸導,喺經過祈禱或其他方式嘅治療之後,可以成功轉變成異性戀者或者離棄同性戀。佢哋嘅理念通常包括:以基督教信仰為基礎,輔助開同性戀性傾向上掙扎嘅人士;為決定改變性傾向嘅同性戀者,提供幫助同輔導。

有啲出埃及運動嘅參與者會自稱為「前同性戀」,佢哋聲稱通過輔導、代禱服侍、舉辦支持小組等方式將性傾向從同性戀變做異性戀。不過,呢啲做法嘅正當性,仍然備受爭論。