臨衝

臨衝呂公車圖，出自《古今圖書集成·經濟彙編·戎政典·第二百九十三卷》

臨衝又叫做呂公車，係中國古代嘅攻城戰車。

早喺《詩經‧大雅·皇矣》就有提到「帝謂文王：詢爾仇方。同爾兄弟，以爾鉤援，與爾臨、衝，以伐崇墉。」漢代孔穎達喺《毛詩正義》咁註疏：「臨者，在上臨下之名；衝者，從傍衝突之稱，故知二車不同，兵書有作臨車、衝車之法，《墨子》有備衝之篇，知臨、衝俱是車也。」

去到明代，臨衝發展為一種上下分成五層嘅攻城車。《明史‧朱燮元傳》記載呂公車由幾千人推住，高丈幾，長五十丈，幾層高，用木板鋪地，中間樓層有幾百人，可以射機弩毒矢，旁翼有兩個雲樓，用牛拉，可以睇到城池入面。