自修室
自修室係提供寧靜環境畀學生或市民自修、溫習、做功課、睇書或處理文書工作嘅室內場所，通常喺學校、圖書館或社區中心都會有。
香港
[編輯]全香港有多間唔同大細嘅自修室分佈喺港九新界各區，分別由教育局、康樂及文化事務署、社會福利署、民政事務總署同非政府機構資助營辦[1]。
有啲學校嘅自修室淨係會開放畀讀緊嗰間學校嘅學生用，大專院校嘅自修室隨時會有職員查學生證。公共圖書館嘅自修室平日喺開放時間任何人都可以入去用，但係喺考試季節（三月至五月），需要預先申請入座證先至可以用[2]。
參考
[編輯]- ↑ 〈青少年中心及自修室〉。原著喺2018年1月6號歸檔。喺2018年1月30號搵到。
- ↑ 〈學生自修室入座證申請須知〉。原著喺2019年5月8號歸檔。喺2019年5月8號搵到。