自然唔大躍進

出自維基百科,自由嘅百科全書

自然唔大躍進(拉丁文Natura non facit saltus)係自然哲學概念,興起於十八九世紀歐洲。指自然發展唔會搞大躍進,每步發展都侷部連續。呢個係達爾文演化論其中一個重要元素。

科學與數學發展[編輯]

未有量子力學之前,科學界一般相信自然發展係連續同漸變嘅,唔會搞大躍進。好似速度會因為加速而逐步增加或減低,唔會有斷層速度。經典力學建基於此,而演化論著作物種起源亦以此為基礎。

但係最新科學又有新發展。量子力學容許粒子喺小尺度有躍進,而脫氧核糖核酸喺小尺度亦可以突變。

喺數學,呢個現象叫做連續。如果佢隨時間嘅變化都係連續嘅,就係可微分。微積分概念因此出現,並用嚟幫助描述自然現象,無因為小尺度躍進而否定微積分嘅功能。