自由之火（法文：Flamme de la Liberté），係法國巴黎一個對美國自由神像手裏面嘅火炬嘅同樣大細嘅複製品，位於巴黎Pont de l'Alma橋嘅北端。1987年，國際先驅論壇報百年慶嘅時候，有捐贈者將自由之火送畀巴黎市。
自由之火亦係一個紀念已故戴安娜王妃嘅非官方紀念場所，因爲1997年戴安娜王妃喺附近嘅Pont de l'Alma下面嘅隧道遭遇車禍，過咗身。自由之火上面有好多紀念戴安娜嘅字句同招貼，好多人都以為呢個自由之火原本就係為咗紀念戴安娜而起嘅。
