自身類別

自身類別，電腦程式用字，類別一種，元類別一種，但亦有講法，佢唔完全合符元類別，皆因佢唔能改變物件承繼方式，亦即層層向上搵承繼類別嘅嘢，唔能改變搵法。類別造出物件時，背後為物件生多個物件，如影隨形，以描述自身，就為自身類別。而自身類別嘅行為同特性，亦可以加以改變。依方面似元類別。

物件如有承繼其他類別，咁物件嘅自身類別，亦會承繼上層嘅自類別，佢嘅特性同行為。

自身類別咁見於Ruby程式語言。

文

英文寫做eigenclass，但亦有好唔同叫法如metaclass，singleton class等。

組織

要瞭解自身類別，必先瞭解類別，以及物件生成過程。類別繙自英文class，佢意義為物件分門別類。然而實際上，佢嘅作用係個模，好似造餅嘅模。唔同類別，就係唔同嘅模。

物件，繙自英文object，本身要程式運作時，先至造出來，之後先至可以變。類別好似模咁，造出物件。類別造出來嘅物件，用另一個講法，係類別嘅直接實例，即實例即英文instance。

類別定義成套方法，去介定實例嘅行為。方法繙自英文method，行為即英文behaviour。依啲方法，稱為類別嘅實例方法，繙自英文instance method。

以Smalltalk開始，有種設計思想認為，物件導向程式語言，類別本身都可以為物件。咁依類程式語言，類別本身，亦都係物件。咁類別個物件，就喺定義類別就生出來。類別嘅資料結構方面，除咗有成套實例變數，亦成套定義常數，另外再有成套類別變數，視為類別嘅狀態，所有佢嘅實例都可共用。

以依個背景，就可以講自身類別。件件物件，包括前面講過，類別本身就係物件，都自動黐咗塊貼身膏藥，名叫自身類別。物件嘅自身類別。可以喺自身類別上面，定義方法。依啲方法，就只限喺嗰物件專屬。若果件物件唔係類別，咁就只可以嗰件物件先叫到出來行。若果件物件係類別，咁類別同佢啲承繼子孫類別，都可以用到，咁就同類別方法相若。

自身類別雖然話係類別，但本質只不過另一件物件。

Ruby而言，物件嘅自身類別，都一樣會有承繼。生出物件嘅類別，個類別都會有上一層類別。咁就係上一層類別嘅自身類別。