臺灣高中課綱微調案

臺灣高中歷史課綱微調案係馬英九政府執政時期，中華民國教育部針對原有嘅普通高中語文同社會課程大綱（101課綱）嘅調整，官方叫佢做「普通高級中學語文及社會領域課程綱要微調」。

官方聲明呢次課綱調整，淨係涉及少數錯字同用語調整，同埋改正前一份唔啱《中華民國憲法》嘅課綱部分，所以講成「微調」。但今次「微調」事實上對高中歷史課程嘅臺灣歷史部份作徂大幅度更改，引發歷史教育學界同政界嘅爭議。除徂歷史之外，國文科、公民科同地理科等課綱內容都有改，但幅度唔大。