花魁
豊原國周嘅浮世繪
花魁指日本江戶時代嘅高級交際花，而家日本再冇花魁，但係花魁嘅形象仍然影響現今日本文化。最高級嘅花魁叫做「太夫」，只有大名或相當上等人家先可以接近。
緣起
[編輯]江戶幕府規定城中嘅妓院一定要喺封閉嘅地方。有啲妓院好似吉原咁個場開得好大，一個場可以有成兩千個藝妓。江戶幕府第三代將軍德川家光推行參勤交代政策，迫使各地大名定期留喺江戶，亦直接增加咗妓院嘅需要。
教養
[編輯]花魁要學好多門高檔禮儀，包括古典書法、茶道、舞蹈、優雅樂器（好似日本箏同埋三味線）、和歌，重有圍棋之類。花魁好多時都係浮世繪嘅題材。花魁唔會接一般街客，而係佢哋會決定接受畀邊嗰請。達到最高級嘅太夫嘅衫靚到極，出門時一定有好幾個隨從攞行李。
衰落
[編輯]花魁越做越高級，佢哋同外面世界漸漸脫節，變得好儀式化，連講嘢都唔用一般口語。隨住較為通俗嘅藝妓出現，花魁冇咗生存空間。最高級嘅太夫大約喺18世紀尾消失。
現代文化
[編輯]有少數日本女人學花魁文化，但唔賣身。
有啲現代文化會用到花魁為題材，例如：