英國脫歐（英文：Brexit）係指部份英國人主張英國退出歐洲聯盟嘅理念。自從英國1973年入咗歐洲經濟共同體（歐洲聯盟前身）之後，引起好大爭議，於是當局喺1975年搞過次公投，而多數選民撐留低，但爭議一路都未停過。2016年6月23號，英國政府再搞多次公投，最後有過半數選民撐脫歐。
2020年1月31號晚11點，英國脫歐進入過渡期。
