英雄聯盟

出自維基百科,自由嘅百科全書
跳去導覽 跳去搵嘢

英雄聯盟League of Legends,縮寫LoL,簡稱League)係一隻由Riot Games開發同發行嘅5打5線上戰鬥遊戲(MOBA),喺2009年發行,有Windows版同MacOS版。最初嘅概念係嚟自《魔獸爭霸III:寒冰霸權》入面一個叫Defense of the Ancients(簡稱DotA)嘅第三方自定義地圖,後嚟發展成為一款獨立遊戲。佢係一隻免費game,不過有得貨金買skin。

喺一場遊戲入面,十個玩家分成兩隊對戰,佢哋要守自己嗰半邊地圖並攻佔對面嗰半邊。每個玩家各自操縱一個角色(叫做英雄),每個英雄都有自己唔同嘅技能。遊戲進行期間,英雄可以獲取經驗值升級同埋獲取金幣去買裝備,去強化自己,打敗敵隊。遊戲嘅勝利條件係摧毀敵隊一棟叫「主堡」(Nexus)嘅建築物。

英雄聯盟嘅評價普遍正面,主要嘅批評係無法處理玩家喺遊戲內嘅負面、不良行為,Riot曾經多次改革遊戲入面嘅玩家不當行為舉報系統,但係都無辦法令玩家嘅一啲負面行為,例如辱罵隊友、搶路、偷小兵、偷野怪呢啲toxic嘅行為得到懲罰。喺2019年,英雄聯盟曾經錄得八百萬玩家同時上線嘅紀錄,遊戲嘅成功衍生出其他相關嘅作品,有MV、漫畫、短篇故事同埋動畫奧術(Arcane),亦都有其他電子遊戲,包括英雄聯盟:激鬥峽谷符文之地傳奇破敗王者:英雄聯盟傳奇等等。

英雄聯盟好多時被形容為世界上最大嘅電子競技遊戲,每年一度嘅英雄聯盟全球總決賽由十二個賽區組成,喺2019年嗰屆有超過一億人收睇,同時收睇人數曾經高達四千四百萬,比賽有喺網上直播平台TwitchYouTubeBilibili同埋有線電視運動頻道ESPN播出。

玩法[編輯]

英雄聯盟係一隻isometric視角嘅MOBA遊戲,玩家控制一隻有特殊能力嘅角色(英雄)去對戰。[1][2]截至2021年11月,總共有157隻唔同嘅英雄畀玩家揀。[3]遊戲期間,玩家可以透過擊殺敵隊「小兵」、英雄、摧毀敵隊建築物同擊殺中立「野怪」獲取金錢同經驗值。[4][5]金錢可以等英雄返到基地嗰陣用嚟買裝備強化自己,[5][1]經驗值就可以用嚟升級英雄,提升英雄能力同埋提供技能點數,用嚟升級技能。每場遊戲之間係分開嘅,一場入面所得金錢同經驗值帶唔到去下一場遊戲。[6]

一般模式:召喚峽谷[編輯]

簡化咗嘅召喚峽谷地圖,黃色嘅係所謂嘅「路」(lane),由電腦控制有簡單智能嘅小兵會沿呢三條路進攻。紅點同藍點代表防禦塔。深紅同深藍嘅叫做「溫泉」。黑色虛線代表河道。綠色係野區。

召喚峽谷係英雄聯盟嘅主打地圖,亦都係電子競技入面採用嘅地圖。喺呢個地圖有唔計積分嘅一般模式,同計分嘅積分對戰模式,積分對戰再細分「單排/雙排」同「彈性積分」兩種。積分模式採用ELO計分系統,分為九個階級(叫做牌位),由低至高分別係鐵牌、銅牌、銀牌、金牌、白金、鑽石、大師、宗師同菁英[NB 1]

地圖係正方形,兩隊分別喺左下角同右上角開始,邊隊首先打爆對面主堡就贏,沿途每條路都有三座防禦塔守護,敵隊嘅英雄亦都會嘗試阻撓。

英雄[編輯]

內文:英雄聯盟英雄一覽

而家英雄聯盟有超過140隻英雄畀玩家揀,而且每幾個月就推出一隻新嘅,不過有啲英雄就歷久彌新,例如犽宿、劫、李星呢啲考技術嘅,就幾時都咁多人玩。

睇埋[編輯]

[編輯]

  1. 鐵牌同宗師係新加嘅

參考[編輯]

  1. 1.0 1.1 Blue, Rosario (July 18, 2020). "League of Legends: a beginner's guide". TechRadar. 原先內容歸檔喺September 4, 2020. 喺September 6, 2020搵到.
  2. Watson, Max (Summer 2015). "A medley of meanings: Insights from an instance of gameplay in League of Legends" (PDF). Journal of Comparative Research in Anthropology and Sociology. 6.1 (2068–0317): 233. 原先內容歸檔 (PDF)喺December 29, 2020. 喺December 26, 2020搵到. Similar to an RTS, players control the action from an isometric perspective, however, instead of controlling multiple units, each player only controls a single champion.
  3. Heath, Jerome (30 November 2021). "All League of Legends champion release dates". Dot Esports. 喺4 December 2021搵到.
  4. Wolf, Jacob (September 18, 2020). "League 101: A League of Legends beginner's guide". ESPN. 原先內容歸檔喺January 11, 2021. 喺December 23, 2020搵到.
  5. 5.0 5.1 "League of Legends translated". BBC Sport. 原先內容歸檔喺July 19, 2020. 喺July 20, 2020搵到.
  6. Watson, Max (Summer 2015). "A medley of meanings: Insights from an instance of gameplay in League of Legends" (PDF). Journal of Comparative Research in Anthropology and Sociology. 6.1 (2068–0317): 225. 原先內容歸檔 (PDF)喺December 29, 2020. 喺December 26, 2020搵到. [...] all champion experience, gold, and items are lost after an individual match is over [...]