荃灣空姐衣櫃藏屍案

荃灣空姐衣櫃藏屍案，係香港 2013年一單兇殺案，發生喺新界荃灣荃景圍187-195號荃威花園D座23樓入邊一個單位^[1]，死者係位港龍航空空姐，佢嘅屍體俾人放咗入佢間房個衣櫃入面。

經過[編輯]

死者係26歲女子陳曼儀，佢細妹喺2013年12月8號收到家姐同事電話，話佢無返工同聯絡唔到，佢細妹就通知阿爸阿媽，最後阿爸喺死者間房個衣櫃入面搵到死者嘅屍體，嗰時佢著住空姐制服。根據法醫檢查，死者死咗約莫三日，頸部有被扼過嘅痕跡。

警方好快就鎖定疑犯係佢26歲前男友莫俊賢，不過佢已經一早著草返大陸。佢喺大陸期間係噉識女仔，所以曝露行蹤，2017年10月29號畀大陸公安喺深圳龍崗一間飛髮舖拉咗，之後安排押返香港受審。

2018年4月到5月，呢單案正式開審，莫俊賢只係肯承認誤殺而否認謀殺，最後陪審團以6比1裁定被告謀殺罪名成立，依例判處終身監禁。