1867 年一幅畫描繪畫家想像中嘅科斯塔夫（左面嘅肥男人）。
科斯塔夫（英文：John Falstaff），全名莊·科斯塔夫爵士（Sir John Falstaff），係莎翁筆下嘅一個虛構角色，喺莎翁嘅好幾部劇作當中出過場。佢身為一個騎士，但又肥又自大，終日不務正業淨係掛住飲酒作樂。
科斯塔夫喺莎翁嘅多部作品當中都有出現，例如好出名嘅莎士比亞喜劇《溫莎嘅風流婦人》（The Merry Wives of Windsor）就係以佢做主角嘅，講佢因為唔夠錢使所以想勾引鎮上面嘅兩位有錢夫人，結果畀兩位夫人整蠱，喺成個鎮嘅人面前出丑。
