莊雅婷
| 莊雅婷 | |
|---|---|
 | |
| 出世 | 2000年8月30號 香港 |
| 職業 | 西貢區議員（委任） |
| 配偶 | 鍾培生（2026年結婚） |
莊雅婷（英文：Angel Chong Nga-ting，2000年8月30號—）係香港親中派民建聯政治人[1]，曾任職招商局集團[2]，2023年香港區議會選舉後被政府委任做西貢區議員[2]，成為嗰屆區議會最後生嘅區議員，而佢亦都係《2025年度香港小姐競選》嘅初選參賽佳麗。但考慮到自身立場及公眾疑慮，參選一天後並宣布退選港姐。
簡介
[編輯]莊雅婷香港出世，中學讀啟思中學，2018年放棄英國一間大學嘅錄取，選擇入讀北京大學政府管理學院、光華管理學院雙學位課程，2023年畢業後返香港。呢個做法喺2025年3月被保安局局長鄧炳強稱讚係「棄暗投明」[1]。
政治立場
[編輯]佢係香港親中派人士，支持訂立《國安法》，並曾經擔任一啲推廣《國安法》活動嘅嘉賓[1]。
2021年香港立法會選舉期間，佢加入咗民建聯劉國勳嘅助選團隊，之後喺劉國勳嘅議辦同多個同鄉社團實習，仲參加咗香港政協青年聯會等活動，因為「感受到民建聯嘅熱忱」而喺2022年7月加入青年民建聯[1]。
涉足演藝界
[編輯]2025年6月25號，莊雅婷去到將軍澳電視廣播城參與《2025年度香港小姐競選》嘅初選面試，並且先用「Angel」嚟向娛樂新聞嘅記者介紹自己，後來先至被察覺佢喺西貢區議會嘅委任議員。有報章引述民建聯嘅消息指，黨入面大部分人都唔知道莊雅婷參選，仲有啲地區人士擔心會影響市民對委任區議員嘅形象，擔心市民會覺得委任區議員唔夠專心做地區工作。此外，甚至有啲地區人士直言唔明白莊雅婷嘅職業路向究竟係從政定係做娛樂[1]。
個人生活
[編輯]2026年3月4號，莊雅婷應承咗有錢佬鍾培生嘅求婚，雖然之前從未傳出過佢哋拍緊拖。同年3月28號，莊雅婷宣布佢同鍾培生已經正式結婚，[3][4]正式成為鍾奕莊家族成員。
參考來源
[編輯]- 1 2 3 4 5 〈民建聯「棄暗投明」小花莊雅婷 再投TVB選港姐 曾稱目標IG追蹤數超越葉劉 - 光傳媒 Photon Media〉 (臺灣中文)。2025-06-24。喺2025-06-24搵到。
- 1 2 〈新區議會｜國家隊背景盤點 近一成半區議員任中資 華潤、中旅插旗 - 集誌社〉。thecollectivehk.com (香港中文)。2024-03-25。喺2024-11-28搵到。
- ↑ 林迅景 (2026-03-28)。〈鍾培生莊雅婷正式結婚 IG曬超巨鑽戒名錶：這倆小孩今天結婚！〉。《香港01》。喺2026-03-28搵到。
- ↑ 〈富三代鍾培生與民建聯小花莊雅婷正式結婚 晒巨型鑽石婚戒報喜：這倆小孩今天結婚〉。《星島頭條》。2026-03-28。喺2026-03-28搵到。