莫伯治（1914年—2003年）係廣東省東莞縣麻湧人，建築設計專家。1936年喺廣州中山大學工學院土木建築系畢業．攞到學士學位。做過廣州市規劃局總工程師、中國建築學會理事會理事、華南理工大學建築設計研究院總建築師、廣州市規劃協會名譽會長，1995年做咗中國工程院院士[1]。莫伯治長期嘅建築創作，將嶺南莊園模式融入嶺南建築，推進咗嶺南建築同嶺南園林嘅同步發展[2]。佢設計嘅作品包括廣州礦泉別墅、白雲賓館、廣州白天鵝賓館、西漢南越王墓博物館、廣州嶺南畫派紀念館、廣州紅線女藝術中心、廣州藝術博物院，佢哋同佢一齊被睇成係「嶺南建築之光」[3]。
