華北（粵拼：waa4 bak1）係一中國地理大區，廣義上等於北中國。傳統上，淮河以北嘅中國地區都可以叫做華北。按照省份，有官方嘅地理分區，其中中華民國大陸時期將河北、山東、河南、山西、陝西、甘肅、北平、青島、天津、西安共六省、四直轄市劃爲華北地區，而家嘅中華人民共和國將北京、天津、河北、山西、內蒙古共兩直轄市、兩省、一自治區劃爲華北地區。
