萬梓良

出自維基百科,自由嘅百科全書
萬梓良
男演員
英文名Alex Man
出世 (1957-07-25) 1957年7月25號(66歲)
英屬香港
職業演員
金馬獎最佳男主角

萬梓良Alex Man Tze Leung1957年7月25號—)係香港男演員,演出過過百部影視作品。喺1980年代佢主演嘅劇集成日係收視冠軍,電影方面佢就憑住《大頭仔》贏得1988年金馬獎最佳男主角獎。

生平[編輯]

佢係新界原居民,七十年代佢響麗的電視藝員訓練班畢業,主演過好多部劇集,最早期嘅有1977年三少爺的劍》,其後重包括《大內群英》、《浮生六劫》、《遊俠張三丰》等等。

萬梓良演藝生涯嘅黃金時代,係喺八十年代加入無綫電視之後嘅事。早喺1985年演出《薛仁貴征東》時佢已經開始為人所認識。到1986年佢主演《流氓大亨》,更加成為當時嘅收視冠軍。佢因為呢部戲嘅演出而聲名大噪。因此佢成日都係無綫重頭劇嘅主角首選,演出咗《成吉思汗》(到內蒙古攝製)、《他來自江湖》(周星馳成名作之一)、《巨人》(遠赴美國取景)、《龍兄鼠弟》(遠赴美國取景,同金像影帝鄭則士合作)。呢段期間佢有參戰電影界,比較為人熟悉嘅有梅艷芳嘅《胭脂扣》同埋《賭城大亨》系列。

萬梓良嘅演出以極度投入出名,不少影迷形容係肉緊嘅狀態,但佢哋都話佢呢種演技係出神入化,奔放自如。例如響《流氓大亨》入面有一段關於強姦犯無罪獲釋,萬梓良喺戲入面以極度激動嘅神情向飾演強姦犯嘅的演員動武,幾乎將對方打到半死。喺《大家族》入面一劇佢同飾演反派嘅曾江合作,其中一段萬梓良企喺台上當眾數臭曾江,亦都使人難忘。而《龍兄鼠弟》佢飾演一個癲佬醫生對付飾演殺人犯嘅鄭則士,更加將佢表情肉緊嘅演繹發揮得淋漓盡致。喺電影《胭脂扣》同《賭城大亨》系列,他亦都係保持住呢種風格。佢過去幾部主演嘅作品都深受歡迎,好似《流氓大亨》喺大陸同台灣都有不少捧場客;《他來自江湖》係無綫頭五部最經典嘅劇集;《巨人》啱啱首播嗰陣亦都係收視冠軍。

九十年代尾萬梓良喺香港嘅演出開始減少,佢喺1995年主演嘅《萬里長情》係佢喺無綫最後嘅作品。

萬梓良喺演藝界好威下,好似周星馳進軍電影界就係萬梓良一手鼓勵。傳聞1988年周星馳參演第一部戲《霹靂先鋒》嗰陣曾經因為酬勞低拒絕演出,經過萬梓良勸導後先至最終接低。

作品[編輯]

電視劇(新傳媒)[編輯]

電視劇(麗的/亞洲電視)[編輯]

電視劇(無綫電視[編輯]

電影[編輯]

得獎[編輯]

  • 第25屆金馬獎最佳男主角(憑《大頭仔》一片)
  • 第33屆亞太影展亞洲傑出演技成就

參考[編輯]

  1. 范姐说影视文化 (2018-11-18). 部新加坡老剧中,范文芳郑惠玉争艳,男主万梓良_手机网易网. 3g.163.com. 喺2020-12-05搵到.