蓮花河畔景苑
蓮花河畔景苑係上海市閔行區蓮花南路、羅陽路淀浦河南岸古美板塊嘅一羣11棟13層高嘅住家樓，總共629個單位組。單位分有66平方米嘅一房，93-103平方米嘅兩房同埋124-128平方米嘅三房。
發展商係上海梅都房地產開發有限公司，承建商係上海眾欣建築有限公司，物業管理公司係上海迅梅物業管理有限公司。
2008年11月樓盤開賣，預售許可證係閔行房地（2008）預字0799號、閔行房地（2008）預字0798號，預咗喺2009年12月交樓。
有關嘅事
[編輯]七號樓冧樓事件
[編輯]内文：蓮花河畔景苑房屋倒塌事故
2009年6月27日清晨5點30分，起好咗做緊內部裝修嘅七號樓，突然成棟向後冧，瞓喺地盤，底部嘅水泥柱斷曬露出嚟。出事嗰陣，有6個裝修工人係大樓入面，5人及時走得甩，但一個28歲嘅安徽籍工人走唔甩被活埋重傷，送院搶救不治。