蔡克健
蔡克健，香港激進親中共派人士，電影工作者[1]。曾經係激進親中共派政黨正義聯盟嘅副主席。
事件
[編輯]傳媒報道佢嘅新聞，唔少都係同佢嘅政治參與（包括正義聯盟）有關。
同李偲嫣/正義聯盟嘅爭議
[編輯]佢同李偲嫣曾經合作組成政黨正義聯盟，但係去到2016年初，呢個黨陷入內訌，李偲嫣喺3月被舉報涉嫌私吞捐款兼被「罷免」主席一職，但5月嗰陣李偲嫣就反咬佢，話佢盜取「正義聯盟」機密資料同擅自搞公司註冊，涉嫌欺詐，已經向佢採取法律行動，又話佢已經被踢出黨[2]。
正義聯盟黨之後發展成鬧雙胞，分別由李蔡兩個人帶領。而且會同場出現喺一啲活動，例如喺2016年6月6號，七警暗角打人案喺區域法院續審嗰陣，兩邊都帶咗各20人去撐警[3]。
雙方互相攻訐嘅行為，一直延伸落去。去到7月，李偲嫣又入稟法院告蔡克健誹謗[4]。而喺2016年香港立法會選舉入面，李偲嫣用正義聯盟嘅名義參選，但係蔡克健就喺Facebook發文話李偲嫣係一個打著『撐警』參選立法會嘅人，喺8月31號藉「撐警」名義進行疑似賄選，又附上《明報》嘅連結，話佢哋襲擊在場記者同搶記者嘅手機[5]。
開拍反佔中電影計劃失敗
[編輯]喺2016年，佢計劃開拍針對雨傘革命嘅愛國電影《血傘》，自己編劇同執導，計劃黨內成員都會參與演出，不過套戲一直開唔成。去到2018年8月，香港蘋果日報就報道，蔡克健近日有唔少電影工作，但係就係無《血傘》，有網民就問蔡克健《血傘》係咪爛尾，蔡就話未開拍，然後當網民繼續問，點解咁多愛國愛港人都開唔到，蔡克健只係回覆佢話：「你繼續意淫啦，小心身體呀！」[6][7]
參考
[編輯]- ↑ 〈做代課老師撐七警 前FFx Shirley：佢哋唔會無緣無故犯法 ｜ 蘋果日報〉。《Apple Daily 蘋果日報》 (香港中文)。原著喺2021-01-09歸檔。喺2021-01-04搵到。
- ↑ 甄挺良 (2016-05-12)。〈正義聯盟繼續內鬥 李偲嫣控副主席蔡克健涉欺詐〉。《香港01》 (香港中文)。喺2021-01-04搵到。
- ↑ 〈【7警案開審】撐警團體再現曾健超稍後到庭 ｜ 蘋果日報〉。《Apple Daily 蘋果日報》 (香港中文)。原著喺2021-01-09歸檔。喺2021-01-04搵到。
- ↑ 〈正義聯盟黨內訌李偲嫣告副主席誹謗 ｜ 蘋果日報〉。《Apple Daily 蘋果日報》 (香港中文)。原著喺2021-06-21歸檔。喺2021-01-04搵到。
- ↑ 〈【立會選戰】聲討偲嫣？前黨友指疑有候選人借「撐警」賄選 ｜ 蘋果日報〉。《Apple Daily 蘋果日報》 (香港中文)。原著喺2021-06-21歸檔。喺2021-01-04搵到。
- ↑ 〈【正義聯盟…黨】《血傘》消聲匿跡兩年 蔡克健導演：還未開拍又怎會有爛尾？ ｜ 蘋果日報〉。《Apple Daily 蘋果日報》 (香港中文)。原著喺2021-06-21歸檔。喺2021-01-04搵到。
- ↑ 〈正義聯盟黨將拍撐政府電影《血傘》 想像佔領後推翻港府後十年情況 (19:31) - 20160512 - 港聞〉。《明報新聞網 - 即時新聞 instant news》 (繁體中文)。喺2021-01-04搵到。