薊國

薊國，係古代由商到春秋中期嘅一個諸侯國，位於今日嘅北京。國祚延綿一千幾年。

薊國國都係薊城，即係而今北京市區西南廣安門一帶。

薊國喺商代建國，其間時斷時續，具體事迹已不可考。國君係伊祁姓（《國語》作祁姓），陶唐氏堯嘅後裔。《史記·周本紀》記載，武王褒封「帝堯之後於薊」。另有一種講法，薊國由黃帝部落嘅後裔建立。《禮記·樂記》記載，「武王克殷返商，未及下車而封黃帝之後於薊」。

西周初年，薊國重新建國，成為周天子嘅封國。一路到春秋中期，約公元前7世紀，薊國俾燕国吞併。