藍煙囪貨倉碼頭（英文：Holt's Wharf），簡稱「藍煙囪」，又叫太古倉碼頭，係香港20世紀初期到中期嘅貨倉碼頭，由太古集團同藍煙囪輪船公司合創嘅太古船塢喺1910年代設立，喺九龍尖沙咀東南面海旁，訊號山以南。藍煙囪貨倉碼頭喺尖沙咀火車站附近，做咗嗰時香港鐵路貨運同海上貨運嘅交匯處。
隨住1960年代開始佢附近嘅九龍倉碼頭逐步改建，加埋九廣鐵路總站嗰時計劃搬去紅磡，太古洋行就喺1971年用1.31億港元將藍煙囪貨倉碼頭賣畀新世界發展，重建做新世界中心同麗晶酒店（而家香港洲際酒店），1982年起好。
