蘭卡斯特大學

蘭卡斯特大學（Lancaster University，正式嘅名係 Univeristy of Lancaster）係一間坐落喺英國蘭卡斯特市郊嘅學院制大學，1964年由皇家特許狀成立，係其中一間少數喺1960年代成立嘅英國大學。蘭卡斯特大學有非常好嘅學術聲譽，一直以嚟都喺英國大學排名中名列前茅，畢業生亦都擁有出眾嘅就業前景同升學前途。呢間大學擁有英國最優秀嘅環境科學系同埋國際知名嘅蘭開斯特大學商業管理學院（LUMS）。另外，呢間大學嘅物理系喺低溫物理、社會學系方面嘅教學同研究都係國際尖端。就喺2018年，蘭開斯特大學更加被 The Complete University Guild 評為全英國排名第九嘅高等學府。

蘭卡斯特大學重同杜倫大學、列斯大學、利物浦大學、曼徹斯特大學、紐卡素大學、錫菲大學同約克大學一齊成立咗N8研究聯盟。蘭卡斯特大學採用非獨立書院體系，由四個學院同埋九個非獨立書院組成，學院主要進行科研同埋教學，而非獨立書院主要就係安排校院入面嘅本科生、研究生、博士後研究人員同一啲大學嘅工作人員等等嘅生活，住宿同埋福利。