蘭桂坊人踩人慘劇

蘭桂坊踩死人位置

蘭桂坊慘劇係1993年1月1號發生響香港中環蘭桂坊同埋德己立街嘅人踩人慘劇，21人死62人傷。

過程

1992年12月31號大除夕晚，好多市民同遊客到蘭桂坊慶祝，當晚響德己立街起咗個舞台同巨型氣球，電視台直播現場盛況。警方當時派咗118個警員在場維持秩序。

接近元旦倒數，在場聚集咗近2萬人，場面開始失控，有人噴氣罐式綵帶，又噴啤酒同汽水，又掟酒樽同磚，重燒報紙。到1993年1月1號零時倒數之後嘅幾分鐘內，有人首先跌倒，人群好似骨牌咁相繼跌倒，同時威靈頓街又不停有人群湧入，令到出現人踩人情況，有人甚至俾五層嘅人壓住。之後現場發現有人受傷，呼救聲始起彼落，人群先至停止擠壓。大量傷者瞓響路邊，遊人嘅個人物品就成地都係。