蜜蜂

出自維基百科,自由嘅百科全書
(由跳轉過來)
Jump to navigation Jump to search
Wikipedia:點樣睇生物分類框How to read a taxobox
蜜蜂
一隻西方蜜蜂(Apis mellifera)喺度採緊花蜜。
一隻西方蜜蜂Apis mellifera)喺度採緊花蜜。
物種分類
動物界 Animalia
節肢動物門 Arthropoda
昆蟲綱 Insecta
膜翅目 Hymenoptera
亞目 (Subordo): 細腰亞目 Apocrita
蜜蜂科 Apidae

蜜蜂粵拼mat6 fung1英文honeybee學名Apis)係嘅一種。佢哋喺全世界總共有 7 個品種同埋 44 個次品種[1]。同其他蜂零舍唔同嘅係,蜜蜂識得採花蜜,跟手再用花蜜整蜜糖來餵佢哋啲幼蟲,仲曉用來起一啲大過佢哋身體好多嘅蜜蜂竇,並且成大羣噉住喺入面。蜜蜂仲係真核生物當中唯一一種係啲細胞有礦物沉積現象嘅。

一羣蜜蜂入面會有好仔細嘅分工。一個蜜蜂竇入面一般會有 1 隻蜂后、10,000 到 150,000 隻工蜂、以及係 500 到 1,500 隻蜜蜂公,而部份嘅蜜蜂竇會有 2 隻蜂后。頭嗰兩種蜜蜂都係,當中得蜂后有生殖能力-即係話工蜂係冇生殖能力嘅乸。於是乎,成個蜜蜂竇嘅分工如下:蜜蜂公負責同蜂后交配;蜂后因為係成個竇唯一一隻有生殖能力嘅乸,所以負責猛噉產卵,等個蜜蜂竇有得維持數量;工蜂就要負責日做夜做,周圍飛嚟飛去揾食養起個蜂后同班蜜蜂公,工蜂朝頭早採蜜、夜晚就釀蜜,而響個竇有危險嗰陣佢哋會負責攻擊入侵者。

對於人類嚟講,蜜蜂呢種昆蟲好有價值[2]。喺經濟方面,啲工蜂喺採蜜嗰陣時會為啲果樹傳播花粉,係好多種農作物傳花粉嘅重要媒介,而且蜜糖又可以用嚟整好多種嘢食。因為蜜蜂噉有用,所以西人不嬲都有養開蜜蜂,喺大航海時代英國人西班牙人仲由亞洲歐洲將蜜蜂帶咗去本嚟冇蜜蜂嘅美洲嗰度,令到蜜蜂去勻全世界。到咗廿一世紀,蜜蜂經已係全球經濟當中不可或缺嘅一部份。因為蜜蜂嘅呢啲價值,所以有好多科學家專職研究蜜蜂-蜜蜂學(Melittology)係昆蟲學嘅一個子領域,顧名思義專門研究蜜蜂。

概論[編輯]

一隻典型蜜蜂乸嘅身體結構圖。同其他昆蟲一樣,佢哋嘅身體分做頭、胸、同腹三橛。

食啲乜[編輯]

蜜蜂主要食嘅係花蜜同花粉,佢哋能夠由唔同種嘅花蜜同花粉嗰度攞到嗮佢哋所需嘅營養。花蜜同花粉俾到蜜蜂嘅營養包括咗:

花蜜[編輯]

花蜜會提供到水份同埋蔗醣(Sucrose)等嘅碳水化合物。蜜蜂食得最多嘅單醣菓醣(Fructose)同葡萄醣(Glucose),而佢哋血淋巴(簡單啲講就係無脊椎動物)入面最常見嘅海藻醣(Trehalose)-一種由兩舊葡萄醣分子組成嘅雙醣[3]。一隻蜜蜂成蟲每日至少要食 4 微克嘅糖份,而幼蟲每日就至少要食 59.4 微克嘅碳水化合物先至可以正常噉生長[4]

蜜蜂同其他大多數嘅生物一樣,要有水先至生存到。蜜蜂喺幫個竇整嘢食或者降溫嗰陣都要用到水。花蜜入面含有豐富嘅水份,一般嚟講蜜蜂靠採花蜜就應付到佢哋對水嘅需求。有陣時唔夠花蜜或者天口㷫得滯嘅話,蜜蜂識由小溪同水池等嘅地方攞水用[5]

花粉[編輯]

睇埋:蜂花粉

花粉係蜜蜂唯一嘅自然蛋白質來源:一隻蜜蜂成蟲每日都會食 3.4 至 4.3 微克嘅花粉嚟滿足佢身體嘅蛋白質需求,而一隻幼蟲要正常噉成長就需要每日食 125 至 187.5 微克嘅花粉,並且吸收 25 至 37.5 微克嘅蛋白質[4]。呢啲蛋白質入面包括好多種嘅氨基酸(Amino acid),當中有 10 種係特別緊要嘅:甲硫氨酸色氨酸精氨酸賴氨酸組氨酸苯丙氨酸異亮氨酸蘇氨酸亮氨酸、同纈氨酸[6]。如果一羣蜜蜂喺呢啲氨基酸當中是旦缺少咗啲,佢哋會失去湊幼蟲嘅能力,甚至會死得好快。

除咗蛋白質,花粉仲會提供到(Lipid)[4]維他命ADE、同 K 呢啲溶到喺脂肪嗰度嘅維他命一般都唔係必要嘅,但係研究顯示呢啲維他命會幫到提高養得成嘅蜜蜂嘅數量[4]

蜜蜂又會由花粉嗰度將植物固醇食落肚,等自己身體可以生產菜籽固醇等嘅固醇(Sterol),負責湊幼蟲嘅工蜂仲曉由個竇啲嘢食當中揀啲固醇出嚟去選擇性噉餵俾啲幼蟲食[4]

傳花粉[編輯]

圖入面嗰隻蜜蜂身上細細粒黃色嗰舊嘢就係蜂花粉。

蜜蜂對於好多種開花植物繁殖嚟講都係不可或缺嘅。一隻蜜蜂喺捐入去朵度採蜜嗰陣會俾啲花粉黐上身,而跟住落嚟當佢再飛去第啲花嗰度採蜜嘅時候,就會幫手將啲花粉由一朵花傳去第朵同種嘅花嗰度-而花粉喺同種開花植物之間嘅傳播係開花植物繁殖必經嘅過程。一個蜜蜂竇平均每年會收集到成 66 (30 公斤)嘅花粉[7],而且蜜蜂仲係一種普遍嘅傳粉媒介,即係話佢哋會幫好多種花傳花粉,好少可會好似某啲昆蟲噉淨係去死一種花嗰度。蜜蜂嘅傳粉作用對人類嚟講都有用:西方蜜蜂俾人類廣泛噉攞嚟幫啲有商業價值嘅農作品-包括咗多種生果蔬菜-傳粉[8],據講每年令到全球農作物嘅價值總量增加咗成 9%。

驚啲乜[編輯]

蜜蜂主要嘅天敵包括咗胡蜂蠄蟝、某啲品種嘅飛蛾螟蟲、同埋其他食蟲嘅動物。而瓦蟎亦會危害蜜蜂。

大蠟螟[編輯]

大蠟螟(學名:Galleria mellonella)係一種會對蜜蜂做成危害嘅飛蛾,亦係最令到養蜂人頭痕嘅蟲之一[9]。佢哋興喺蜜蜂竇入面生蛋,啲幼蟲孵咗出嚟之後會走去食個竇嘅牆,喺個竇入面留低一個一個窿,呢啲窿會對住喺嗰個竇嘅蜜蜂造成各種危害:大蠟螟幼蟲留低嘅窿會佈滿咗啲絲,呢啲絲會纏住蜜蜂搞到佢哋可能成幾日都郁唔到,有啲蜜蜂仲會因為郁唔到而監生餓死;呢啲窿又可以搞到啲蜜蜂幼蟲跌出去個竇外面或者啲蜜糖漏出去。除咗噉,大蠟螟無論幼蟲定成蟲,身上都會帶有好多可以惹到蜜蜂嘅病原體,好似係以色列急性癱瘓病毒(Israeli acute paralysis virus)同埋黑皇后細胞病毒(Black queen cell virus)噉。

點自衛[編輯]

一條由隻蜜蜂身上甩咗出嚟嘅針

針個敵人[編輯]

內文: 蜜蜂針

蜜蜂嘅針同自衛最有啦掕。當一隻蜜蜂想攻擊敵人嗰陣,佢會將佢支針拮落個敵人身上,支針帶有一啲毒液蜂毒(Apitoxin)[10]。支針好多時喺拮完個敵人之後就會由隻蜜蜂嘅身體嗰度甩出嚟(自割),但係就算係噉,支針有佢自己嘅神經節等嘅結構,所以仲可以繼續插喺個敵人身上同埋向佢注射毒液。除咗噉,當一隻蜜蜂感覺到有危險嗰陣,佢會釋放一種外激素(Pheromone),呢種外激素會刺激佢四圍嘅同伴,令到佢哋一齊進入攻擊狀態。分泌呢種外激素嘅(Gland)同隻蜜蜂支針有關係-插咗入敵人體內支針會繼續係噉釋放嗰種外激素,令到其他蜜蜂跟住一齊攻擊個敵人。

蜜蜂同其他多數嘅蜂唔同嘅係,佢哋啲工蜂嘅針上面有啲好似倒勾噉嘅刺喺度。如果隻蜜蜂拮嘅敵人係一啲皮膚有返噉上下厚嘅動物-例如係人類-啲刺通常會令到支針由隻蜜蜂個腹嗰度甩出嚟,而隻冇咗支針嘅蜜蜂會喺幾分鐘之內死亡。呢種構造之所以會進化出嚟,可能係因為蜜蜂要應付脊椎動物用嘅-除非插咗入肉,支針多數唔會甩出嚟。

波個敵人[編輯]

一羣工蜂用身體包住敵人,即係「波」緊個敵人。

蜜蜂嘅針可以拮穿其他昆蟲嘅外骨骼關節,蜂后之間打交都會用,但係當蜜蜂要應付一啲大隻啲嘅昆蟲-好似係黃蜂-嗰陣好少可會用佢哋嘅針。喺呢啲情況下,啲蜜蜂通常用嘅策略係去「波」個敵人:啲工蜂會成大羣噉樣湧上去個敵人身上,再用自己嘅身體包住個敵人,形成一個噉,所以呢種行為有咗個英文名,叫「balling」[11],而廣東話直譯就係「波」個敵人(呢個「波」係動詞)。個波形成咗之後,佢哋跟手會係噉震動佢哋嘅肌肉嚟到產生熱力,呢啲熱力再加埋喺個波入面二氧化碳嘅濃度提升會殺死個敵人[12][13]。有陣時當啲工蜂唔妥個蜂后嗰陣會用呢種策略整死個蜂后[14],呢種行為俾養蜂人嗌做「波個蜂后」(balling the queen)。

其他[編輯]

蜜蜂仲有其他自衛策略。啲住喺開放式蜜蜂竇嘅蜜蜂品種興用「蜂浪」式嘅防衛-喺感覺到有危險嗰陣,佢哋會成羣噉喺個竇嘅表面嗰度有節奏噉郁佢哋嘅身體同翼,形成一股「蜂浪」嚟作為一個警告信號[15];而一啲住喺窿窿罅罅嘅蜜蜂品種-包括 Apis ceranaApis mellifera、同 Apis nigrocincta-就興喺個竇嗰個好窄嘅入口度擺啲工蜂喺度站崗,檢查住有冇入侵者;另一樣用嚟對抗個竇嘅入侵者嘅行為係「身體震動」-啲工蜂會將佢哋嘅腹好似鐘擺噉搖吓搖吓嚟警告個入侵者。

上述呢啲行為通常都係喺工蜂身上先會見到,因為蜜蜂竇冚唪唥都係由啲工蜂負責保護嘅。

過冬[編輯]

喺寒冷氣候入面,蜜蜂喺溫度跌到攝氏 10 度(華氏 50 度)以下嗰陣就唔會再飛嚟飛去,改為喺竇嘅中心地帶聚埋一齊,形成所謂嘅冬天聚集(Winter cluster)。啲工蜂會以隻蜂后做中心噉靠埋一齊,出面愈凍就聚得愈密,並且係噉震-好似打冷震噉-嚟令到個中心喺冬天啱啱開始嗰陣維持喺攝氏 27 度(華氏 81 度)左右,而等到個蜂后要開始繼續生蛋嗰陣時,個中心嘅溫度就要去到攝氏 34 度(華氏 93 度)左右先至得。個聚集嘅外圍喺成個冬天入面會維持喺攝氏 8 至 9 度(華氏 46 至 48 度)左右,係成個聚集地最凍嗰忽,而喺冬天期間,啲工蜂會輪流噉負責企喺個聚集地嘅外圍嗰度-即係輪流忍受最凍嘅氣溫[16][17]。除咗噉,喺冬天期間,蜜蜂會靠食季嗰時儲起咗嘅蜜糖嚟到維持體溫,而一個蜜蜂竇要過一個冬天平均需要 15 至 50 公斤(33 至 110 磅)嘅蜜糖-呢個數字睇場冬天嘅長度同嚴酷程度而定。

溝通[編輯]

蜜蜂曉好似其他昆蟲噉用各種嘅化合物氣味嚟同啲同伴溝通,但係佢哋仲有一種獨特嘅語言-跳舞。

蜜蜂舞[編輯]

蜜蜂用跳舞嗰陣嘅角度同方向嚟向同伴表達揾到嘅物件嘅方向同距離。
內文: 蜜蜂舞

蜜蜂舞(Waggle dance)係蜜蜂嘅獨特語言[18]。當一隻蜜蜂去完揾食返到個竇度嗰陣,佢會以某啲特定嘅方向、角度、同姿勢嚟喺啲同伴面前飛嚟飛去,好似跳舞噉。佢哋跳呢啲舞嗰陣飛嘅方向同角度等資訊係一種語言-佢哋靠噉嚟話俾同伴知佢去揾食嗰陣見到嘅物件-好似係花同水源噉-係喺邊個方向同埋離個竇有幾遠。例如係一隻西方蜜蜂喺成功噉揾到嘢食返到竇嗰陣會跳舞,而研究發現,佢跳舞嗰陣嘅飛行角度同軌跡會令到同伴知道佢揾到嗰朵花喺邊個方向同有幾遠[19]

喺呢個過程入面,蜜蜂用咗一啲抽象嘅方法嚟向同伴傳達訊息,用唔同嘅角度同軌跡代表唔同嘅意思,就好似人類講嘢嗰陣用唔同嘅嚟代表唔同意思噉-廣義上,蜜蜂舞經已可以算得上係一種語言。呢種身體語言會隨品種而有異-唔同品種嘅蜜蜂可能會用同一個角度或者姿勢嚟代表唔同嘅嘢[20],就好似人類當中講唔同語言嘅族群有陣時會用同樣嘅聲嚟代表唔同嘅嘢噉(好似「bong」呢個音閩南話係「王」噉解,但係廣東話聽落似個「幫」字)。

智能[編輯]

睇埋:蜜蜂嘅學習同溝通

蜜蜂有一樣令到科學界好奇嘅嘢係,佢哋有高度嘅智能[21][22]:一隻蜜蜂個係就係得一粒芝麻噉大,但係蜜蜂腦嘅密度哺乳類腦嘅差唔多 10 倍,有成 100 萬個神經細胞[23]。蜜蜂有能力學嘢、明白時間、仲有好犀利嘅記憶-蜜蜂採完花蜜之後能夠記住朵花嘅位置記成幾日噉耐,而且就算朵花離佢個竇成 9 公里噉遠,蜜蜂都會記得到。另一樣展示到蜜蜂智能嘅嘢係,佢哋有能力向同伴傳達好複雜嘅訊息:有科學家做過實驗,發現一隻喺實驗室入面嘅蜜蜂睇完個同伴靠拉一條繩嚟攞到花蜜之後,會學識同樣噉拉嗰一條繩嚟攞花蜜,而且仲曉將呢種知識傳達俾冇見過嗰條繩嘅同伴知,等嗰啲同伴能夠跟住學識拉嗰一條繩嚟攞花蜜-能夠向同伴傳達複雜訊息係智能嘅一個重要指標[24]。上述蜜蜂做到嘅呢啲嘢,大把脊椎動物做唔到。

蜂羣結構[編輯]

蜜蜂公得 1 組染色體,而蜜蜂乸有 2 組。由呢幅圖睇得出,一隻蜜蜂公喺基因上有一半係同生佢出嚟嗰隻乸-無論係工蜂定蜂后-係一樣嘅。

一個蜂羣內部嘅蜜蜂會分做三個級別:蜜蜂公、工蜂、同埋蜂后[25][26]。蜜蜂公係嘅,而工蜂同蜂后係[27]

蜜蜂公[編輯]

內文: 蜜蜂公

蜜蜂公(drone)即係公嘅蜜蜂。佢哋主要係為咗繁殖而生嘅[28],唔會參與揾食,亦都唔使點樣幫手保護個竇-條尾度冇針。佢哋會有大嘅,等佢哋可以喺空中進行嘅交配當中睇到個蜂后嘅位置。

蜜蜂公多數都淨係得嗰 1 組-即係 3 條-染色體,佢哋通常係由啲冇受精嘅卵嗰度生出嚟嘅,而呢啲冇受精嘅卵可能係個蜂后特登唔受精或者係由冇受精嘅工蜂生嘅。有陣時會有啲受咗精嘅卵會生蜜蜂公出嚟,但係呢樣嘢要喺定性別嘅同位基因噉啱同款嘅情況下先至會發生。一般嚟講,一隻蜜蜂公要 24 先至可以完全噉發育成熟。蜜蜂公由夏天到秋天期間都會生出嚟,最多每個蜜蜂竇有 500 到 1,500 隻不等。喺冬天嘅時候,啲蜜蜂竇通常會為咗慳嘢食而將啲蜜蜂公趕出去個竇外面,等佢哋自生自滅[25]

工蜂[編輯]

內文: 工蜂

工蜂(worker)有兩組染色體-呢點同蜂后一樣[29]。當蜂后選擇性噉用自己儲起咗嘅精子嚟將啲卵受精嗰陣,工蜂就會出世。一個蜜蜂竇每一刻可以有成 60,000 隻工蜂噉多。工蜂多數都會喺出世 21 日之內發育成熟,並且得 1 個月命左右。雖然佢哋噉短命,但係喺三種蜜蜂當中,工蜂嘅行為係最多樣化嘅:佢哋喺個竇入面負責做啲乜睇佢哋年紀而定,最後生啲嗰啲通常會負責餵幼蟲同收花蜜,老少少嘅會幫手清潔個竇、喺個竇外面站崗、同飛出去個竇外面揾食[25];又有啲工蜂會專門做一樣嘢,好似係負責「執屍」噉-負責將死咗嘅同伴嘅屍體搬出去個竇外面[25]。工蜂喺身體結構上都有內部差異,會睇做乜嘢工作而有所變化-例如有啲會生個好似噉嘅結構出嚟去裝採到嘅花粉[30]。喺某啲情況之下-例如係個蜂后唔見咗-工蜂仲可能會生卵巢

蜂后[編輯]

浸喺蜂王漿入面嘅蜜蜂幼蟲;佢哋應該會發育成蜂后。
內文: 蜂后

蜂后(Queen)可以話係一個蜜蜂竇嘅統治者,一隻蜂后通常都係佢所屬嗰個蜜蜂竇入面所有蜜蜂嘅阿媽,所以又有人叫蜂后做「母蜂」。蜂后係一隻非一般嘅蜜蜂乸,喺好特別嘅情況之下先會生到出嚟:喺某啲時候,工蜂喺餵幼蟲乸嗰陣會特登餵一種叫蜂王漿(Royal jelly)嘅分泌物俾幼蟲食,一隻幼蟲乸一路淨係食住蜂王漿嘅話就會發育成蜂后,如果唔係就會發育成工蜂[25]。如果一隻蜜蜂幼蟲乸真係全程食蜂王漿嘅話,嗰隻蜂后就會喺 16 日之內發育完成。

一隻蜂后無論喺生理、形態、定行為上都同工蜂好唔同:佢大隻啲,條尾嗰度支針冇倒勾,同埋唔識生產蜂蠟;而最緊要嘅係,隻蜂后有一組有生殖能力嘅卵巢,同埋可以用嚟儲起啲精子嘅結構。蜜蜂嘅蜂后會同好多隻蜜蜂公交配,當中 Apis nigrocincta 每隻蜂后會同 42 至 69 隻公交配[31]。交咗配之後,一隻蜂后每日有得生到成 2,000 粒卵噉多[25]。為咗等自己可以專心產卵,隻蜂后會釋放一啲特殊嘅信息素嚟到指揮同控制佢啲-工蜂。一隻蜂后可以有成幾年命。

工蜂維安[編輯]

一隻蜜蜂公;佢有對好大嘅眼。蜜蜂公主要負責交配,有陣時會係噉姨幫吓手保護個竇。佢哋亦都係蜂后同工蜂之間嘅生育政治籌碼。
內文: 工蜂維安

當一隻-好少有嘅-有生殖嘅工蜂生咗蜜蜂公嗰陣,佢就會同佢阿媽-即係佢個蜂后-有利益衝突:隻工蜂同佢生出嚟嘅蜜蜂公喺基因上有一半係相同嘅,而佢同佢啲兄弟(佢個蜂后生嗰啲蜜蜂公)喺基因上得嗰 4 分之 1 係相同嘅-即係話佢親佢啲多過親佢個蜂后啲仔;相比之下,個蜂后喺基因有一半有佢啲仔(佢生嗰啲蜜蜂公)係相同嘅,而同佢啲(佢個女生嗰啲蜜蜂公)得嗰 4 分之 1 係相同嘅-親佢啲仔多過親佢啲孫。於是乎,隻工蜂就會同隻蜂后有摩擦[32]-如果隻工蜂同隻蜂后都想要令自己嘅進化適應性最大化(簡單啲講就係將自己嘅血脈承傳落去)嘅話,佢哋就要各自噉集中照顧同佢哋最親嘅蜜蜂個體,所以如果有一隻工蜂生咗仔嘅話,噉佢嘅行為就會變到同蜂后想佢做嘅唔一致,變相係一種作反。

呢種情況對成個蜂羣嘅利益可能會有不利,令到蜜蜂之間出現咗一種叫工蜂維安(Worker policing)嘅現象:喺血緣上同個蜂后啲仔最親嘅工蜂(通常係冇生殖能力嗰啲)會喺個竇入面巡邏;有研究顯示,蜂后曉釋放一種信息訊等佢自己生嘅蛋同工蜂生嘅蛋有陣唔同嘅除[33][34],於是嗰啲巡邏緊嘅工蜂能夠揾出工蜂生落嚟嘅蛋,並且將呢啲蛋食落肚,盡力令到唔會有工蜂生嘅蛋孵到出嚟-等頭先提到嗰種利益衝突唔會發生。佢哋有陣時甚至仲會主動噉郁手攻擊嗰啲有生殖能力嘅工蜂[35]。工蜂維安係動物學強迫性利他(Forced altruism)嘅例子:隻蜂后以及啲同佢啲仔親嘅工蜂夾埋一齊夾硬迫啲有生殖能力嘅工蜂將蜂后嘅利益擺喺第一位。

交配次數嘅影響[編輯]

工蜂維安同隻蜂后交配咗幾多次有關:如果一隻蜂后交配得少,佢就唔會有好多唔同款嘅精子,噉會令到佢生出嚟啲仔女(即係佢個蜂羣)喺血統上嘅多樣性比較低,呢點可能會令到個蜂羣對某啲病嘅抵抗力降低;另一方面,如果佢交配得太多,噉佢就會有好多唔同款嘅精子,噉會令到佢生出嚟啲仔女多樣性好高,但係同時又會令到佢啲仔女之間嘅基因差異比較大,更加令到佢啲女(工蜂)唔想幫手照顧佢啲仔,於是啲女會作反嘅機會就變大。所以交配得多對一隻蜂后嚟講係一把雙面刃。上述所講嘅嘢仲會預測,蜂后交配嘅次數會同工蜂維安嘅需求成正比-隻蜂后交配愈多,啲工蜂想作反嘅機會就愈高,噉隻蜂后就愈需要拉攏啲同佢啲仔親嘅工蜂做維安。呢個預測俾多份研究證實咗[36]

工蜂嘅最後希望[編輯]

一般嚟講,工蜂生蛋生得最勁嘅時段係蜂后唔見咗嘅期間-噉通常係因為隻蜂后死咗。喺呢啲情況,會有唔細數量嘅工蜂卵巢開始活躍,佢哋會生蛋,但係通常都因為佢哋冇交配過生唔到蜜蜂乸出嚟,而冇工蜂嘅蜜蜂竇會冧得好快。因為噉,當一個蜂羣隻蜂后死咗,啲工蜂會趁嗰段時間生啲蜜蜂公出嚟,好似係最後一絲留存自己血脈嘅希望噉,跟住冇幾耐嗰個蜂羣就會因為工蜂死嗮而崩潰。喺呢段時期,工蜂維安通常都會暫停,但係喺某啲蜜蜂品種當中會持續[37]

冇皇管工蜂[編輯]

喺罕有嘅情況之下,有啲工蜂會成為所謂嘅「冇皇管工蜂」(Anarchic worker)[38],佢哋會變得更加叻生蛋,生得比較多,而且仲可能成功噉令佢嗰啲仔混入去個蜜蜂竇嘅蜜蜂公羣入面,即係話佢能夠將自己嘅下一代-而唔係成個蜂羣嘅下一代-傳承落去。喺呢種情況之下,隻冇皇管工蜂係喺度將佢自己嘅利益擺喺成個蜂羣嘅利益前面:蜜蜂公唔會點幫手做嘢,所以蜜蜂公數量多咗會對成個蜂羣嘅利益有害,但係隻冇皇管工蜂噉樣做能夠將自己嘅血脈留傳落去,對佢自己有利。

生命歷程[編輯]

一隻蜜蜂個體由生到死嘅過程如下[39]

  1. 幼蟲時期三種蜜蜂嘅生命歷程差唔多。每粒蜜蜂卵都住喺一間六角型、用蠟整成嘅房入面,呢啲房係工蜂負責起嘅。蜂后嘅身體有能力揀係咪生受精卵,一隻冇受精嘅卵多數會發育成蜜蜂公,而一隻受咗精嘅就會發育成蜜蜂乸。喺一開始嗰陣,幼蟲冚唪唥都係食蜂王漿嘅,後尾就會改食蜜糖同花粉,唯一例外嘅係少數全程都係食蜂王漿大嘅幼蟲乸-呢啲幼蟲乸會發育成蜂后。無論點,蜜蜂係一種完全變態嘅昆蟲,即係話隻幼蟲甩幾次皮之後就會喺佢間房入面結
  2. 工蜂一世係噉做嘢:後生嘅工蜂有陣時俾人嗌做「湊仔蜂」(Nurse bee),主要負責清潔個竇同埋餵啲幼蟲食嘢;當佢哋分泌蜂王漿嘅腺開始萎縮嗰陣,佢哋就會改為負責幫手起六角形房;工蜂隨住年紀變大會改變佢哋嘅工作,會做嘅嘢包括咗負責收花蜜同花粉,以及喺個蜜蜂竇外面站崗;遲吓佢哋就會做試吓去個竇外面飛,並且離開個竇去揾食,通常轉咗工做揾食嘅工蜂會一路做揾食,做到死為止。
  3. 蜜蜂公以及蜂后嘅生命歷程同工蜂嘅截然不同:如果一隻蜜蜂乸發育咗做蜂后,噉佢啱啱由個蛹嗰度捐出嚟嗰一刻會係一隻「處女蜂后」(Virgin queen),要做嘅嘢係飛離個竇,去揾其他同種蜂羣嘅蜜蜂公交配-一隻蜂后唔會同佢個竇入面嘅蜜蜂公交配,因為嗰啲多數係佢嘅兄弟。啲蜜蜂公會喺某啲地方聚集,等其他竇嘅蜂后,一隻蜂后會同多隻蜜蜂公交配,跟住先返屋企。交配完之後,啲蜜蜂公就會死。
  4. 當一隻成熟嘅蜂后交配咗,佢就有齊生蜜蜂公同生蜜蜂乸嘅能力-有能力開一個屬於自己嘅蜜蜂竇。但係開新竇唔係齋靠一隻單獨嘅蜂后就得嘅。一隻交配咗嘅蜜蜂蜂后會由佢屋企嗰度帶一柞工蜂-呢啲工蜂係佢啲姐妹-成大羣噉飛去一個新地點嗰度起一個新竇,呢啲地方通常都係由啲工蜂事前視察過嘅,而且啲蜜蜂嘅語言當中仲有獨特嘅蜜蜂舞嚟傾揾新竇地點嘅事,而其他蜂揾新竇嘅方式同蜜蜂嘅有所不同。當呢個新蜂后到咗嗰個地點,啲工蜂會即刻開始做嘢起一個新嘅竇,而個蜂后會開始猛噉生蛋整新工蜂,增加蜂手。當佢個竇有返噉上下大嘅時候,佢就會生新嘅蜂后,於是蜜蜂嘅傳承就會延續落去。一隻蜂后一般會有幾年命,喺佢死咗之後,佢個蜂羣會以好快嘅速度崩潰。
圖庫

[編輯]

蜜蜂嘅分佈圖;唔同色水代表各個品種嘅蜜蜂,紅色嘅係西方蜜蜂嘅分佈。
內文: 蜜蜂進化史

蜜蜂喺好耐之前已經喺地球上存在。根據化石研究,地球史上第一個蜜蜂品種出現喺始新世漸新世嘅交界時代,即係大約 3,400 萬之前。至於蜜蜂起源喺地球邊一忽,科學界就仲喺度詏緊:頭先提到嗰啲化石喺歐洲揾到嘅,噉表示喺嗰個超遠古嘅時代歐洲經已有蜜蜂,但係又有科學家主張蜜蜂係起源自南亞東南亞嗰頭嘅,只不過係目前科學界對嗰頭啲昆蟲化石嘅研究仲未係好充分[40]

到咗廿一世紀,喺世界絕大部份地方都可以揾到蜜蜂,尤其係西方蜜蜂Apis mellifera)零舍常見,查實有段故:目前現存嘅蜜蜂品種當中冚唪唥都會起啲大過佢哋自己身體好多嘅蜜蜂竇,而比較近期進化出嚟嘅品種仲興喺啲密閉啲嘅空間-例如係-入面起竇,呢點佢哋更加容易馴養;喺有文字紀錄嘅歷史上,多數嘅蜜蜂品種都試過俾住喺佢哋左近嘅人類用嚟整蜜糖同蜂蠟,當中西方蜜蜂Apis cerana indica 完全噉俾人類馴養嗮,前者仲要係喺古埃及人仲起緊金字塔嗰陣已經有人養緊[41]。佢哋住得近歐洲,令到喺大航海時代嗰陣時佢哋有得跟住歐洲人四圍去,家吓就做咗分佈最廣嘅蜜蜂品種。

文化影響[編輯]

印尼嘅養蜂人用特製嘅盒裝住佢哋啲蜜蜂竇。

養蜂[編輯]

內文: 養蜂

養蜂(Beekeeping)-通常係養蜜蜂-係一種古老嘅行業[42],喺古埃及時期經已有人做緊。到咗廿一世紀,專業嘅養蜂人對社會有各種嘅貢獻:佢哋對於農業嚟講好緊要,養蜂人會用特製嘅盒將佢哋養嘅蜜蜂運去唔同嘅農地嗰度,跟手放啲蜜蜂出嚟去幫啲農作物傳花粉,等啲農作物繁殖得更加茂盛-對啲農夫嚟講,噉幫到佢手增加啲農作物嘅數量,所以佢哋會俾錢請啲養蜂人做呢樣工作;另一方面,養蜂人又可以靠賣各種嘅蜜蜂產品嚟賺錢,蜜糖、蜂蠟、花粉、同蜂王漿等等都係相當受歡迎嘅產品,好似係蜜糖噉,蜜蜂整蜜糖嘅能力好勁,整出嚟嘅蜜糖多到佢哋自己都食唔嗮,所以養蜂人攞啲蜜蜂食唔嗮嘅蜜糖去賣,而佢本人就會負責保護啲蜜蜂,等啲蜜蜂唔使憂俾雀鳥寄生蟲侵害-養蜂人同佢啲蜜蜂之間有咗一種互惠互利嘅關係。

蜜糖[編輯]

熱香餅上面嘅蜜糖漿
內文: 蜜糖

喺噉多種蜜蜂產品入面,最出位嘅要數蜜糖。蜜蜂會將花蜜食落肚,消化吓佢,將佢嘔返出嚟,再儲起喺個蜜蜂竇嘅六角形房入面,形成蜜糖[43]。歷史上,所有品種嘅蜜蜂都試過佢哋啲蜜糖俾人類攞嚟用,當中西方蜜蜂同東方蜜蜂呢兩個品種生產蜜糖嘅能力高到足以俾人攞嚟做商業用途。蜜糖營養高又帶有令人鍾意嘅味,喺現代社會俾人類廣泛噉用喺各種嘅嘢食嗰度。每年世界各國生產嘅蜜糖總量係數以百萬嚟計嘅[44]-係一盤相當大嘅生意。

其他[編輯]

圖庫[編輯]

幫花傳緊粉

睇埋[編輯]

蜜蜂產品[編輯]

蜜蜂品種[編輯]

參考書[編輯]

  • Adam, Brother. In Search of the Best Strains of Bees. Hebden Bridge, W. Yorks: Northern Bee Books, 1983.
  • Adam, Brother. Bee-keeping at Buckfast Abbey. Geddington, Northants: British Bee Publications, 1975.
  • Aldersey-Williams, H. Zoomorphic: New Animal Architecture. London: Laurence King Publishing, 2003.
  • Alexander, P. Rough Magic: A Biography of Sylvia Plath. New York: Da Capo Press, 2003.
  • Allan, M. Darwin and his flowers. London: Faber & Faber, 1977.
  • Alston, F. Skeps, their History, Making and Use. Hebden Bridge, W. Yorks: Northern Bee Books, 1987.
  • Barrett, P. The Immigrant Bees 1788 to 1898, 1995.
  • Beuys, J. Honey is Flowing in All Directions. Heidelberg: Edition Staeck, 1997.
  • Bevan, E. The Honey-bee: Its Natural History, Physiology and Management. London: Baldwin, Cradock & Joy, 1827.
  • Bill, L. For the Love of Bees. Newton Abbot, Devon: David & Charles, 1989.
  • Bodenheimer, F.S. Insects as Human Food The Hague: Dr. W. Junk, 1951.
  • Brothwell, D., Brothwell, P. Food in Antiquity. London: Thames & Hudson, 1969.
  • Engel, Michael S. & Grimaldi, David (2005): Evolution of the Insects. Cambridge University Press.
  • Kak, Subhash C. (1991): The Honey Bee Dance Language Controversy. The Mankind Quarterly Summer 1991: 357–365. HTML fulltext
  • Lanman, Connor H. The Plight of the Bee: The Ballad of Man and Bee. San Francisco, 2008.
  • Lindauer, Martin (1971): Communication among social bees. Harvard University Press.

[編輯]

  1. Michael S. Engel (1999). "The taxonomy of recent and fossil honey bees (Hymenoptera: Apidae: Apis)". Journal of Hymenoptera Research. 8: 165–196.
  2. Bee Information for Kids: Bumblebee & Honey Bee Facts.
  3. Karasov, William H.; Martinez del Rio, Carlos (2008). Physiological Ecology: How Animals Process Energy, Nutrients, and Toxins. Princeton. pp. 63–66.
  4. 4.0 4.1 4.2 4.3 4.4 Brodschneider, Robert; Crailsheim, Karl (2010-05-01). "Nutrition and health in honey bees". Apidologie. 41 (3): 278–294.
  5. Kuhnholz, Susanne (1997). "The Control of Water Collection in Honey Bee Colonies". Behavioral Ecology and Sociobiology. 41: 407–422.
  6. Anderson, Leroy M; Dietz, A. (1976). "Pyridoxine Requirement of the Honey Bee (Apis mellifera) For Brood Rearing". Apidologie. 7: 67–84.
  7. Honeybee Facts | Back Yard Beekeepers Association.
  8. Which Crops and Plants Are Pollinated By Honey Bees?.
  9. Kwadha, Charles A.; Ong'amo, George O.; Ndegwa, Paul N.; Raina, Suresh K.; Fombong, Ayuka T. (2017-06-09). "The Biology and Control of the Greater Wax Moth, Galleria mellonella". Insects. 8 (2): 61.
  10. Ewan, Pamela (1998). "ABC of allergies: Venom allergy". BMJ: British Medical Journal. 316 (7141): 1365–1368.
  11. C. H. Thawley. "Heat tolerance as a weapon". Davidson College.
  12. Michio Sugahara; Fumio Sakamoto (2009). "Heat and carbon dioxide generated by honeybees jointly act to kill hornets". Naturwissenschaften. 96 (9): 1133–6.
  13. Honeybee mobs overpower hornets.
  14. Balling of Queens, A Behaviour of Honey Bees.
  15. Giant Honeybees Use Shimmering 'Mexican Waves' To Repel Predatory Wasps.
  16. What Do Bees Do in Winter?.
  17. Oldroyd, Benjamin P.; Wongsiri, Siriwat (2006). Asian Honey Bees (Biology, Conservation, and Human Interactions). Cambridge, Massachusetts and London, England: Harvard University Press.
  18. The Honey Bee Dance Language | NC State Extension Publications.
  19. von Frisch, K. (1967). The Dance Language and Orientation of Bees. Cambridge, MA: Harvard Univ. Press.
  20. Dyer, F.C.; Seeley, T.D. (1991). "Dance dialects and foraging range in three Asian honey bee species". Behavioral Ecology and Sociobiology. 28: 227–233.
  21. How Smart Are Honey Bees?.
  22. Bee brains show just how smart they can be.
  23. The Remarkable Bee Brain
  24. Wasserman & Zentall. (eds). (2006). Comparative Cognition.
  25. 25.0 25.1 25.2 25.3 25.4 25.5 Animal kingdom > insects and arachnids > honeybee > castes image - Visual Dictionary.
  26. James L. Gould; Carol Grant Gould (1995). The Honey Bee. Scientific American Library. p. 19.
  27. Getting Started: Honey Bee Biology
  28. The Types of Bees - PerfectBee.
  29. Breeding and Genetics of Honey Bees | Beesource Beekeeping.
  30. Animal kingdom > insects and arachnids > honeybee > morphology of a honeybee: worker image - Visual Dictionary
  31. Hadisoesilo, Soesilawati. "The Comparative Study of Two Species of Cavity-Nesting Honey Bees of Sulawesi, Indonesia."
  32. Wenseleers, T.; Helanterä, H.; Hart, A.; Ratnieks, F. L. W. (2004). "Worker reproduction and policing in insect societies: an ESS analysis". Journal of Evolutionary Biology. 17: 1035–1047.
  33. Pirk, C.; Neumann, P.; Hepburn, R.; Moritz, R.; Tautz, J. (2003). "Egg viability and worker policing in honey bees". PNAS. 101: 8649–8651.
  34. Oldroyd, B., and Francis Ratnieks. (2002) Egg-marking pheromones in honey-bees Apis mellifera. Behavior Ecology and Sociobiology, 51: 590–591.
  35. Ratnieks, F.; Visscher, P. Kirk (1989). "Worker policing in the honeybee". Nature. 342: 796–797.
  36. Davies, N.R., Krebs, J.R., and West, S.A. An Introduction to Behavioral Ecology. 4th ed. West Sussex: Wiley-Blackwell, 2012. Print. pp. 387–388.
  37. Châline, N., Martin, S.J., and Ratnieks, F.L.W. Worker policing persists in a hopelessly queenless honey bee colony (Apis mellifera). (2004) Insectes Soc, 51: 1–4.
  38. Barron, A. , Oldroyd, B, and Ratnieks, F.L.W. (2001) Worker reproduction in honey-bees (Apis) and the anarchic syndrome: a review. Behavior Ecology and Sociobiology, 50: 199–208.
  39. Development of Bees.
  40. Deborah R. Smith; Lynn Villafuerte; Gard Otisc; Michael R. Palmer (2000). "Biogeography of Apis cerana F. and A. nigrocincta Smith: insights from mtDNA studies". Apidologie. 31 (2): 265–279.
  41. Ancient Egypt: Bee-keeping.
  42. Crane, Eva (1999). The world history of beekeeping and honey hunting. London: Duckworth.
  43. Crane E (1990). "Honey from honeybees and other insects". Ethology Ecology & Evolution. 3 (sup1): 100–105.
  44. FAOSTAT.
  45. Pioneer - Utah State Motto & Emblem.
  46. The symbols of Empire - napoleon.org.
  47. Virgil, Georgics, book IV.
  48. Bee Afraid - TV Tropes
  49. 中国最早的糖主要是蜜糖和麦芽糖
  50. 冰皮月餅食譜 by 安木白

出面網頁[編輯]