被逼害妄想症

被逼害妄想症喺病理學上係妄想症嘅其中一種，歸類為精神病。

病人長期有有系統、有組織嘅妄想，性格比較敏感、多疑。而大部份病人因為受咗各種妄想嘅影響，表現得易嬲、不安、敵視、多疑、仇恨，嚴重嘅甚至可能出現傷害他人等等行為。一般嚟講，病人成日都信自己俾人迫害、傷害，或者有人對佢不利，往往因為噉樣變得非常嘅謹慎同埋處處防備，一啲好細嘅輕視侮辱，病人可能就會放大嚟睇，變成妄想嘅核心，重成日將相關嘅納入自己妄想嘅世界入面，懷疑呢啲人要惡意虐待、對付佢或者專登撩事鬥非、嘰嘰突突，所以要用行動攞返公道。

同精神分裂症唔同，被逼害妄想症病人嘅妄想內容條理分明、合乎邏輯，會認定某個人或者某個集團要害佢，重講得出對方嘅「陰謀」同埋「策略」，唔似精神分裂者嘅諗法咁荒謬、唔合理。

出面網頁

• 〈2012年07月09日 - 被迫害妄想症 - 光明專欄 - 光明日報〉。
• 〈頭條日報 頭條網 - 勿與「逼害」妄想症患者爭辯〉。
• 〈迫害妄想,迫害妄想的治療_迫害妄想的原因,迫害妄想怎麼辦_癥狀百科〉。
• 〈Smile Centre :: 精神病面面觀 - 妄想〉。
• 〈就「妄想被逼害症」言論 黃浩入稟告梁烈唯誹謗 - Yahoo! 新聞香港〉。