裴莉言嘉

出自維基百科,自由嘅百科全書
跳去: 定向搵嘢
裴莉言嘉

裴莉言嘉1982年7月18號—),全名裴莉言嘉·卓芭拉Priyanka Chopra),係而家當紅嘅印度波里活女影星。渠重響2000年摞到21世紀第一個印度小姐同埋全球世界小姐

早年[編輯]

裴莉言嘉喺賈坎德邦詹雪脯Jamshedpur)出世,渠阿爸係Ashok Chopra,阿媽Madhu Akhauri,兩個都係印軍嘅軍醫,屋企重有個細佢八歲嘅細佬Siddharth Chopra。

裴莉言嘉童年時代喺北方邦嘅柏瑞利(Bareilly)生活過。讀過聖馬利亞·葛雷蒂學校(St. Maria Goretti)。阿爸、阿媽送兩個仔女去美國麻省留學,後來到美國麻塞諸塞州牛頓北中學(Newton North High School)留學,然後入艾奧瓦州北雕爾塔高中(North Delta Senior Secondary School),2000年初返柏瑞利嘅軍辦中學學成畢業。

之後,裴莉言嘉入咗孟買栽賢學院Jai Hind College),冇耐報名參加印度小姐競賽,摞到冠軍,並代表印度出賽世界小姐,又不負重望摘取桂冠。佢做咗世界小姐之後就退咗學。

當年係20世紀最後一年,印度佳麗同時贏到世界小姐(渠本人)、環球小姐喇拉杜打──Lara Dutta)同亞太小姐荻雅梅莎──Diya Mirza)嘅冠軍,正式前所未有。

演藝生涯[編輯]

贏咗世界小姐之後,渠入咗娛樂圈。開頭演咗好幾部電影都表現嘛嘛,沉咗一陣,2004年部影片《好女十八嫁(Mujhse Shaadi Karogi)》獲得成功,成為票房大炸彈。第二年佢響電影《世界真係細(Andaaz)》度出演一個反派角色因此得到嗰年度嘅《印度電影觀眾──反派角色獎》。

以下係佢嘅三部代表作:

  • 《好女十八嫁(Mujhse Shaadi Karogi)》(2004年)── 嫁還嫁,搞笑還搞笑,部片出盡花臣𧨾觀眾開心。媒介第一次讚佢好嘢。
  • 《孟買大追捕 2(Don—the chase begins again)》(2006年)──呢部係至今票房最大收穫嘅一部警匪片,佢演反角。
  • 《愛情的禮讚(Salaam E Ishq)》(2007年)──由尼琪阿凡提導演嘅歌舞片,波里活嘅明星出曬陣。佢演一個專門想靠製造花邊新聞提昇自己人氣嘅新紮影星,觀眾都話佢做得好逼真。

出面網頁[編輯]