裇衫（shirt），語體文叫襯衫，以前係着嚮大衣、外套、西裝入面嘅男士服飾，主要由5塊白色棉織布車成，包括兩個袖，有長袖同短袖之分，另外加上有衫領，加埋錶袋就係6塊布。
裇衫個裇，由英文shirt直音而來，因音近廣東話恤字，造字叫裇。
裇衫原料多數係白布比較大路貨，叫做白裇衫。唔係加上七彩花布，就叫做花裇衫，而短袖花裇衫就係夏威夷裇。
有人話，女仔淨係着一件白裇衫好好睇。模特兒影寫真，好多時都係咁。
裇衫未必係成衣，好似西裝咁，可以搵裁縫度身訂造嘅。
格仔裇衫
