許鏡清
許鏡清（1942年11月15號—），山東龍口人。一級作曲家，中國音樂家協會會員，中國電影家協會會員，中國電影音樂學會理事[1][2]。
簡歷
[編輯]許鏡清1942年喺山東龍口出世，1943年跟住隨阿爸阿媽喺黑龍江省七台河市勃利縣定居。1961年8月考入哈爾濱藝術學院作曲專業，1965年畢業後，佢被分配到北京農業電影制片廠（依家嘅中國農業電影電視中心）做作曲，係農業科教紀錄電影創作音樂。[1][2]
1972年至1980年間，佢創作咗板胡獨奏曲《喜開豐收鐮》、大型民樂合奏《烏蘇裏啊我的故鄉》、揚琴協奏曲《井岡山》等，同民樂合奏《大寨紅花遍地開》[1][2]。
1980年後，佢為故事片《丹心譜》、《紅象》、《九月》、《良宵血案》、《OK大肚羅漢》、《就要嫁給你》等8部電影作曲。佢重為《女人不是月亮》、《宋慶齡和她的姐妹們》、《半邊樓》、《弘一法師》、《情債》、《七品欽差劉羅鍋》、《汽車城》等電視劇創作主題歌。[1][2]
1983年冬天，付林、程琳同埋一個音像公司嘅出版商揾到作曲家許鏡清，商議為程琳錄制一盒磁帶，請北京農業電影制片廠嘅作曲家許鏡清編配伴奏。嗰個磁帶原來設計係10首歌，後來認為歌曲唔夠，佢又寫咗包括《采榆錢》合共嘅3首歌。呢盤磁帶以付林作詞、作曲嘅《小螺號》做主打歌，重以此命名專輯做《小螺號》。結果一個以《小螺號》為主要批判對象嘅討論批判會喺某周報嘅編輯部舉行，出席者係一啲音樂界前輩，佢哋認為嗰個盒磁帶係「黃色的」、「軟綿綿的」、「低級的，下流的」，重指責程琳唱嘅四川民歌《盼紅軍》話：「這哪裏是盼紅軍，分明是盼白軍麼。」以呢次討論批判會為根據，寫咗一份向上邊嘅報告，又根據嗰個報告對付林、程琳、許鏡清3人作出要「批評、教育」嘅批示，作為文件下發。16歲嘅程琳因為年齡細，受到海政歌舞團團內當眾警告處分，據講海政歌舞團宣布處分決定後，程琳穿著哢哢響嘅皮鞋昂首步出會場。付林受到海政歌舞團黨內察看處分。許鏡清就被北京農業電影制片廠發出文件（農影〔84〕2號），傳達至各科室並張貼喺辦公樓內，文件話：「鑒於許鏡清所犯錯誤，1.今後不許隨便給外單位創作，2.未經批准不許給外單位錄音。」許鏡清嗰年應該加嘅工資都冇加[3]。
之後佢為電視連續劇《西遊記》創作嘅一系列插曲同音樂都係佢嘅知名作品。其中《敢問路在何方》等歌曲傳唱不絕[1][2]。
儘管100幾部影視劇配樂、作品被廣為傳唱，版權費嘅收取就好困難。喺2008年，大約獲得8000蚊。許鏡清希望搞一場個人作品音樂會，由於資金問題好難實現[4]。喺2014年7月，吉林衛視播出咗許鏡清作品音樂會[5]。2016年12月4號同5號，通過眾籌，許鏡清實現咗多年嘅願望，喺人民大會堂舉辦咗2場《西遊記主題音樂會》，得到觀眾熱烈嘅反應[6]。
作品
[編輯]- 1950年代，《吉興河水庫》大聯唱
- 1972年，紀錄片《昔陽盛開大寨花》作曲（主題歌係《大寨紅花遍地開》）
- 1972年-1980年間
- 1983年-1987年，電視劇《西遊記》作曲（主題歌係《敢問路在何方》）
- 1987年，《齊天樂》晚會作曲
- 1980年後，故事片《丹心譜》、《紅象》、《九月》、《良宵血案》、《OK大肚羅漢》、《就要嫁給你》等8部電影作曲
- 電視劇作曲
參考
[編輯]- ↑ 1.0 1.1 1.2 1.3 1.4 〈岳紅，火了《西遊記》 熱了家鄉人——訪著名曲作家許鏡清，七台河日報，2010年8月6號〉。原著喺2014年3月5號歸檔。喺2017年4月11號搵到。
- ↑ 2.0 2.1 2.2 2.3 2.4 采訪提綱：許鏡清老師，新華網，2007年3月3號
- ↑ 許鏡清，是誰把程琳的"小螺號"吹歪了，新華網，2007年5月27號
- ↑ 〈作曲家夢難圓苦問路在何方〉。原著喺2015年7月25號歸檔。喺2017年4月11號搵到。
- ↑ 〈《放歌中國》 20140706 許鏡清作品音樂會〉。原著喺2016年3月4號歸檔。喺2017年4月11號搵到。
- ↑ 〈《西遊記》音樂會火爆開唱 西遊情懷獲千人好評〉。原著喺2016年12月20號歸檔。喺2017年4月11號搵到。