詩琳通公主肖像畫
| 詩琳通公主肖像 | |
|---|---|
| 畫家 | 盧霖 |
| 時間 | 2015年 |
| 類型 | 水墨畫 |
| 尺吋 | 136 × 60 cm |
| 位置 | 曼谷私人收藏 |
《詩琳通公主肖像》係四川南充蓬安縣畫師盧霖嘅水墨畫作品，曾喺2015年9月18號於「慶祝中泰建交40週年暨詩琳通公主殿下60壽辰中國書畫慈善展」中展出[1][2]，喺要展覽嘅作品集中，此畫作擺咗喺頭版位。之後畀泰國企業家以200萬泰銖收購[3][4]。
細節
[編輯]畫中嘅詩琳通公主係佢後生個樣。黑色短髮，頭上別住白色髮卡；上身着藍紫立領窄長袖恤衫，摟有一條黃色帶流蘇嘅披肩，上有花藤、白象同卻克里王朝嘅標誌，斜摟金色王家綬帶，上面掛有兩枚勛章（勒分別為拉瑪九世拉達那蓬勛章同杜沙迪馬拉獎章）；下身着鑲金邊嘅紫色泰式傳統長裙，腳蹬金色淺口鞋[4]。頸上佩戴嘅頸鏈係卻克里王室勛章，左手佩戴有一條金手鏈，無名指上有一隻金戒指；右手戴有一條白色嘅細線，好似係要接觸旁邊嘅大蕉葉，企喺湖畔嘅一棵樹下。背景遠處為一座以銀白色為主嘅泰式建築，下部為泥黃色，湖中映住倒影。呢座建築嘅原形係泰國北欖古城嘅善佩寺巴塞王宮（Sanphet Prasat Palace）。
參攷
[編輯]- ↑ 〈中泰建交40年 中國藝術家獻禮泰國公主60壽辰〉。《新華網》。華西都市報。2015-09-22。原著喺2018-11-19歸檔。喺2018-11-18搵到。
- ↑ 〈[人物]蓬安七旬翁 畫作贈給泰國公主〉。《搜狐》。南充新聞網。2016-05-29。原著喺2018-11-19歸檔。喺2018-11-18搵到。
- ↑ 〈蓬安山水入畫引得公主駐足〉。《南充新聞網》。南充日報。2015-09-24。原著喺2018-11-19歸檔。
- ↑ 4.0 4.1 〈名家觀察｜盧林藝術作品〉。《發展中國》。2018-09-17。原著喺2018-11-18歸檔。喺2018-11-18搵到。
