阿頭（粵拼：aa3 tau4*2）係一班人或組織嘅帶頭人、負責人，通常有最後決定權、最有影響力；一般嚟講有權威、地位最高。
阿頭通常係一個人。若果有兩個或以上，叫做雙頭馬車，三個人就叫三駕馬車。
又叫領袖、首領、領導，有時叫頭頭、頭目、boss、波士、領導人、主事人、話事嗰個、首長、揸fit人、揸弗人、老頂、頂爺、大佬、老大、阿大、阿head。
唔同文化對阿頭有唔同嘅睇法，唔同社會對領袖亦有唔同嘅要求。
