火牛

火牛係電力裝置，佢用電磁效應將能量由一個電路傳到另一個電路，佢可以有最少兩個綫圈，又或者一個綫圈，再夾一個自動相連開關。綫圈中間通常有個磁心，集中磁場綫。火牛通常用來轉換高低電壓，改變電阻，同埋分隔兩組電路。

火牛有大有細，細係可以細到手指頭咁大，裝響啲電路板上面。今時今日唔少人叫手提電話緊嚟叉電嗰嚿嘢做「火牛」，呢嚿嘢唔單只有火牛響裏邊，重有「整流電路」（即將 A.C. 交流電變成 D.C. 直流電），嚿嘢輸出嘅係降咗壓嘅直流電，嚴格嚟講，呢嚿嘢係叉電器。