貝魯特大爆炸

出自維基百科,自由嘅百科全書
跳去導覽 跳去搵嘢
爆炸結束之後貝魯特嘅街景

貝魯特大爆炸係2020年8月4號挨晚,黎巴嫩首都貝魯特貝魯特港一個貨倉發生嘅大爆炸。至少192人死,六千人幾傷。

黎巴嫩政府話,有成差唔多三千噸嘅硝酸銨冇跟安全守則擺喺港口度,呢啲係爆炸嘅原料。美國總統話,有可能係恐怖襲擊,但係美國國防部就話呢單嘢純屬意外。

呢單爆炸引發民眾發起反政府示威。2020年8月10號,總理迪亞卜宣佈引領內閣因為呢件事而辭職,獲得總統米歇爾·奧恩批准。