財政司司長官邸

財政司司長官邸

財政司司長官邸喺香港壽臣山壽山村道45號，喺1935年起。喺1990年被評為三級歷史建築，2009年12月18號改評為香港二級歷史建築。

大宅係一座兩層高嘅新喬治亞風格建築。官邸原本係周壽臣爵士夥拍大新公司嘅蔡昌所起嘅25座壽山村洋房之一，亦曾經係蔡昌嘅私人住宅，之後喺1938年賣咗畀L.Rondon and Co.Importers and Exporters嘅經理Mr. Heinrch Corra。1947年7月，香港政府用咗六萬八千元向Mr.Corra買入大宅，並改做財政司官邸。第一位喺大宅住嘅係戰後首任財政司霍勞士。直到1997年共有7任財政司係呢間官邸住過，唯獨喺1952年至1961年出任財政司嘅歧樂嘉例外。1995年曾蔭權出任財政司，成為首位華人入住呢間府邸。