資料輸入員

資料輸入員

資料輸入員，係文員工種，專責將資料輸入電腦資料庫嘅工作，需要識得用鍵盤快速純熟打字。

資料輸入員同打字員唔同。打字員係發明打字機之後出現嘅工種，當時重未發明電腦，工作主要係一啲文書處理工作。直到電腦嘅出現，因為能夠大量儲存資料，先至衍生出資料輸入員嘅工種。之後，又因為電腦系統嘅互聯，同埋資料輸入自動化，對資料輸入員嘅需求日漸減少。