資本中心

2011年嘅安盛中心

資本中心（Capital Centre），原名佳寧中心、天安中心、國衛中心（National Mutual Centre），後又叫安盛中心（AXA Centre），係香港一座寫字樓，喺灣仔告士打道151號，建築面積約12,750平方呎，有26層。

最初呢幢大廈由佳寧集團喺1982年起好，前身叫做廣生行大廈。後來佳寧集團清盤收場，大廈畀天安中國收購，喺1986年1月改名做天安中心，但係大廈喺年尾再畀國衛保險收購，於是又再改名做國衛中心。2006年，國衛保險決定賣國衛中心，最後由鍾楚義嘅資本策略地產買到，國衛繼續有大廈嘅命名權。2011年，國衛保險因為要將中文名統一叫做安盛，所以大廈就改名做安盛中心。

2017年11月1號起大廈改用而家個中英文名。

大廈座落港島灣仔北商業區，鄰近港鐵灣仔站。大廈附近一帶有香港會議展覽中心，主要政府大樓，新鴻基中心、中環廣場及華潤大廈。