資訊及機構

資訊及機構（Information and Organization）係一本關於資訊通訊科技同社會組織之間關係嘅學術期刊，佢哋會發佈唔少呢方面嘅理論文章，亦會尋求理論嘅創新，並且接納唔同形式嘅文章。

現時呢本期刊被列為澳洲商學院院長議會期刊名單中A*級（最高級）。

爭議事件

曾經有人喺學術期刊評論網站Scirev入面批評，呢本期刊處理稿件嘅時間好慢，向總編輯查問進度嘅時候，對方亦唔會回覆。直到話要撤稿嗰陣，總編輯就聲稱話無得撤稿，只能由佢哋去拒稿。批評者又話，咁樣嘅事情已經唔係第一次。