賭骰仔，又叫賭大細，正規名骰寶，係種賭錢遊戲，亦係賭場常見嘅遊戲，由莊家控制住一個入面有三粒骰仔嘅骰盅，莊家先搖骰，等玩家落完注後，莊家會揭開骰盅顯示中獎組合。賭骰仔通常係估總點數大細：4到10係細；11到17係大；3、18同任何三粒骰一樣號碼就係「圍骰」，亦可以有其他玩法，譬如總點數幾多、單雙、其中一或兩粒骰嘅點數。
