赤柱拘留營

赤柱拘留營

赤柱拘留營係第二次世界大戰期間香港嘅一個平民拘留營。佢喺香港島南邊嘅赤柱，係日本皇軍喺1941年12月香港保衛戰之後，用嚟囚禁非華裔敵國僑民嘅地方。

由1942年1月初到1945年8月日軍投降為止，前後44個月，大約有2,800個男人、女人同細路被困喺呢個冇將男女分開囚禁嘅營地。拘留營嘅範圍包括聖士提反書院，同埋赤柱監獄一帶嘅地方，但就唔包括監獄本身。