起雞皮

起晒雞皮嘅樣

起雞皮係俾嘢嚇親或者喺凍嘅環境下，人嘅皮出現好似雞皮嘅粒粒仔，呢種現象係由立毛肌嘅收縮活動引起。當立毛肌收縮，皮表面嘅體毛就會豎起黎，喺體表形成一層鬆厚嘅保護層，可以留住啲暖空氣，減少體溫流失。另一方面，毛髮豎立亦會令動物睇落大份啲，可以嚇走啲敵人；所以喺受驚時都會有本能嘅起雞皮現象出現。

由於而家啲人嘅體毛已經好少，起雞皮只是剩低嘅一種動物本能。