《超時空英雄傳說》係宇峻科技喺1996年製作嘅一款戰棋遊戲。呢款遊戲亦係宇峻科技製作嘅第一款遊戲。來自地球嘅年輕作家孟祈因為誤闖時空裂縫而嚟到咗遊戲入面嘅世界——科隆多世界，並喺因緣際會之下，協助當地人消滅咗企圖侵占科隆多世界嘅黑魔神。遊戲係採用單主線模式，並且喺部分關卡會出現隱藏關卡畀玩家挑戰難度。
