越南宦官

越南人傳承咗中國嘅宦官制度同埋閹割技巧。歷史記載越南人進行閹割嘅時候過程極為痛楚，會將睪丸同陰莖同時切除。被閹割嘅人，大腿同腹部會被綁住，而其他人會壓住佢喺張枱上面。生殖器會首先用胡椒水洗淨然後被切去。之後尿道會被插入一條管，等被閹嘅人可以喺傷口癒合期間泌尿。

好多越南嘅宦官都係自閹，為咗入宮同得到權力，又或者為咗錢。佢哋喺唔同範疇工作，例如監督公共工程或者查案。

著名嘅越南宦官有李朝嘅李常傑，中國明朝佔領時期嘅阮安，同埋阮朝嘅黎文悅（實際上佢係天生雙性人）等。