趙㬎（1271年11月2號—1323年），係南宋第七個皇帝，1274年到1276年在位，佢無廟號，史稱宋恭帝。
1274年，宋度宗過身，由全皇后個仔趙㬎繼位，就係宋恭帝。
趙㬎繼位後，元軍繼續進攻南宋，由長江順流而下，攻陷咗好多地方。1275年，賈似道親身帶兵對抗元軍，但係慘敗，之後被貶謫，之後喺去流放地嘅途中被殺。
1276年正月，元軍逼近臨安，恭帝向元軍投降。之後恭帝阿哥趙昰喺福州被擁立做南宋皇帝，就係宋端宗。
