跳樓機

跳樓機

跳樓機係遊樂場同主題樂園一種機動遊戲，有啲人認為似跳樓，所以就叫跳樓機。跳樓機嘅乘坐檯首先會將搭客送上半空，然後令班搭客自由下墜，最後以機械將乘坐檯喺落地前停住。呢種利用物理學入面嘅自由落體現象設計嘅遊樂器材，亦都以相同嘅名稱命名。呢種遊樂設施亦會被稱為太空梭、彈射塔。自由落體嘅外型嘅主幹係一個高大嘅柱體，柱體周圍附有軌道，令乘載具爬升。乘載具嘅搭乘人數因設計而異，上具有安全桿同安全帶等保護設備。自由落體遊樂設施嘅系統中具有偵測載具爬升、下降速度嘅感應器，嚟維持整套機器嘅正常運作。