踢貓效應

踢貓效應，又叫踢狗效應，係一種隱喻，描述喺組織或者屋企入面地位比較高嘅人，可能會藉住責罰地位比較低嘅人嚟轉移佢嘅挫折或不滿，而地位較低嘅人又會以類似方式將挫折發泄比佢地位更低嘅人，層層推進，因此產生連鎖反應。

來源

呢個詞語最遲喺十九世紀就猜有人用。根據作者John Bradshaw嘅說法，當時嘅人對動物比較殘忍，甚至好似踢貓呢種事都係一件平常嘅事，因此出現喺日常用語裏面。以呢個名嚟睇，踢貓效應就好比係一個憤怒或者係受挫嘅上班族收工返到屋企，想設法發洩佢嘅怒氣，但睇嚟睇去淨係見到隻貓可以做出氣袋，因此最後就以踢貓嚟發洩佢嘅情緒，即使呢隻貓同上班族嘅受挫一啲關係都冇。