身高

呢幅相影到有個人除咗鞋，喺度量度身高。

身高（粵拼：san1 gou1 ）係指一個人企直嗰陣由頭頂到腳板底之間嘅距離。描述身高嘅單位可以係厘米，或者係尺同寸。

基本概念

2012 年喺日本一地影到度身高用嘅架生。

内文：高度

人類嘅身高係人體測量學其中一個研究範疇。

聯合國不嬲都會用身高去監察發展中國家營養狀況嘅變化：喺人類人口之中，平均身高可以大概反映某個群體嘅出生背景、成長環境、社會階層同埋醫療質素等多方面嘅情況；一般嚟講，環境愈好，營養愈好，平均身高都會高啲。縱使身高並唔係唯一嘅指標：聯合國評估營養同醫療水平嗰陣，會考慮埋第啲統計數值。

影響因素

睇埋：遺傳學

雖然環境因素會對人類身高差異造成一定影響，但係單靠呢啲因素並唔足以解釋，唔同人口之間嘅唔同，加埋出遺傳因素，對解釋唔同人口之間嘅身高差異相當重要。

身高深受遺傳因素影響，有研究指，身高嘅差異當中有超過 50% 嘅遺傳度。

結合體重

睇埋：體重同身高體重指數

喺醫療上，身高同體重成日都要一齊考慮。

身體質量指數（BMI）係一個重要嘅數值，用身高同體重嚟估算一個人係咪屬於標準體重嘅常用指標。呢個指數嘅計算方法係將體重（以公斤計）除以身高（以米）嘅平方，即係：

${\text{BMI}}={\frac {w}{h^{2}}}$

其中：

w 代表體重（kg）。

h 代表身高（m）。

睇埋

• 相貌
• 健康
• 求偶