軍用飛行器（俗稱「軍用飛機」，其中直接參與作戰行動嘅統稱「戰機」）泛指用來執行軍事任務嘅飛行器，包括固定翼飛機同直升機等。有啲飛行器係專門為軍事目的而設計嘅，而有啲就係將民用飛行器改造到可以執行軍事任務嘅。有時甚至為民用飛行器指定一個軍事編號就可以將民用飛行器變成軍用飛行器。但係直接作為武器投射嘅火箭、導彈等就唔算軍用飛行器。
現代軍用飛行器可以擔任奪取制空權、空對面攻擊、預警、指揮管制、偵察、電子作戰、運輸等多種任務。
俄羅斯莫尼諾中央空軍博物館展出嘅各種軍用飛行器。
